馬上成為壹會員
會員專區 只限會員閱讀
被TVB打入冷宮兩年嘅《婚姻合伙人》，播出後被網民讚節奏明快而且搞笑，當中飾演地產商老闆嘅黃德斌，亦被盛讚型格好有男人味，話劇中無論男女都對佢流口水，爭住向佢獻殷勤，一啲都唔出奇。現實中，黃德斌仲係個專一老公，經常同老婆繑晒手糖黐豆。
黃德斌一向有觀眾緣，所飾演嘅角色好多時都能夠吸引到觀眾注意，今次都唔例外。不過，《婚姻合伙人》已經係佢最後嘅大台作品，日後難有機會睇佢拍大台劇喇。
好彩嘅係，黃德斌回復自由身後機會有增無減，而且成績仲相當好，拍《逆流大叔》立即提名金像獎最佳男配角啦，嚟緊又會同劉德華、劉青雲等影帝合作《拆彈專家2》添。此外，佢又會拍內地劇或者網劇，舞台劇又有份，連動畫配音都參一腳，真係多機會過踎大台好多。
當然，忙還忙，一向愛妻號嘅佢總會抽時間陪老婆，早前《壹》仔就撞見佢兩公婆以及另一對夫婦喺大排檔開餐。黃德斌已經56歲，據知同細16年嘅老婆Joyce拍咗拖十幾年，2018年先至簡單同家人食個飯、入紙結婚。其實黃德斌咁多年嚟都好少談及身邊人，但就曾透露過好感恩有呢個老婆，事關2009至2011年間連拍《天與地》及《心戰》兩劇，角色陰沈灰暗令佢情緒低落甚至患上抑鬱，一度收埋自己唔想見人唔想工作，好彩當時得Joyce陪伴、支持慢慢撐過去，令黃德斌感動不已。據聞黃德斌因此好愛對方，幾年前更打本十幾萬畀對方開時裝店完夢，得閒仲會落舖幫手兩公婆拍住上，總之只求對方開心。
立即下載APP，精彩內容壹手掌握
如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
