網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月4日 星期六

陳家樂做一日男友剪刀手夾公仔冧女 __,陳家樂,

陳家樂投入「男友」身份,專業精神可嘉!
陳家樂做一日男友剪刀手夾公仔冧女男神陳家樂單身多時,為圓癡心女粉絲心願,在《我和星星有個約會》中做「一日男友」與Karmen拍拖,不惜投其所好踩入旺角 ...


陳家樂做一日男友剪刀手夾公仔冧女

男神陳家樂單身多時,為圓癡心女粉絲心願,在《我和星星有個約會》中做「一日男友」與Karmen拍拖,不惜投其所好踩入旺角,全程化身暖男手口並用,最後施展獨門「剪刀手」夾中公仔,成功氹得伊人開心。

當陳家樂知道有粉絲心願想做他的「女友」,即二話不說答應,更親自計劃一日Dating的路線圖,相當細心,由於目的地是拍拖貼地場——旺角,首站即醒目先帶「女友」Karmen去Shopping裝身,而Karmen甫見偶像即面紅耳赤,更自爆約會前一晚失眠,見二人一入店舖就盡顯默契,揀衫有商有量,很快完成「任務」買到心頭好,之後不停上演一幕幕「旺角卡門」。

手拖手控桿

潮流興玩夾公仔機,家樂亦希望於「女友」面前大騷Quali威威,故第二站就安排去「潮聖」,信心爆棚的他手持一張「紅衫魚」換銀仔,挑機前又帶Karmen繞場一周揀公仔,還自爆驚人外號「愛德華剪刀手」,但Karmen並冇被嚇窒︰「夾唔到有懲罰o架!」結果搞到他心情緊張,頻頻失手,夾極都唔中,只傳來陣陣淒厲慘叫聲。家樂玩了五、六次,戴埋眼鏡一樣「食白果」,就在「糧草」快用盡時,突然使出冧女秘招,主動說:「咁不如我哋用兩個人力量,好唔好?」原來是手拖手一齊揸實控制桿,Karmen又點會唔應承,最後花了75元完成「創舉」,成功夾到一隻粉紅色獨角獸,博得「女友」送上「愛的抱抱」。

戴埋眼鏡,今次仲夾你唔到?
  • 戴埋眼鏡,今次仲夾你唔到?
粒魚蛋啱食喇!

  • 粒魚蛋啱食喇!
帶「女友」置裝,點都要話好睇!

  • 帶「女友」置裝,點都要話好睇!

出口術吹魚蛋

玩完一輪當然要醫肚,家樂終站不忘帶Karmen「掃街」享受地道美食,當「女友」表示想食辣魚蛋時,他細心問︰「你會唔會辣到個嘴紅晒唔靚?不過唔緊要,你辣到紅咗,我咪買啲冰凍嘢幫你敷番。」簡直閃到暈,家樂臨尾更「出口術」吹凍粒魚蛋,又速遞紙巾,試問Karmen如何抵擋得住,猛話:「你好細心呀!」

得咗喇!

  • 得咗喇!

  • 放大圖片

事後家樂對於令女粉絲從未如此開心過,他說:「我有咁嘅能力去實現佢呢個夢想,自己都好樂意去做,同佢都有好多私底下鏡頭聽唔到嘅溝通,咁我覺得當係認識咗一個新朋友。」至於Karmen說:「今次見到家樂比我想像中更陽光同體貼,能夠同佢一齊真係好幸福,即使一日都好滿足。」

粉絲的話

我叫Karmen,一直都當陳家樂係我男神,之前都有聽過佢唱歌、做戲,特別好欣賞佢喺《逆緣》入面做「爺爺」嗰個角色,覺得佢好Charm、又靚仔、又體貼,成個暖男咁,而呢個亦都係我嘅擇偶條件,所以我好希望可以同佢拍一日拖,希望東方日報可以幫我實現心願!

家樂的小粉絲

Karmen






鍾意就快D Share啦!