掃呢頁CODE去手機

2019年5月16日 星期四

【住兒童院飽受欺凌】坎坷童年 姜皓文:瞓到半夜俾人放風火輪 燒到手起泡 __,姜皓文,

【住兒童院飽受欺凌】坎坷童年姜皓文:瞓到半夜俾人放風火輪燒到手起泡24分鐘前馬上成為壹會員會員專區只限會員閱讀會員註冊/登入今日事業步入佳境的姜皓文, ...


  • 【住兒童院飽受欺凌】坎坷童年 姜皓文:瞓到半夜俾人放風火輪 燒到手起泡
  • 24分鐘前


馬上成為壹會員
會員專區 只限會員閱讀


今日事業步入佳境的姜皓文,成長歷練豐富。未出世已被生父所棄,母親改嫁、他被送入兒童院、14歲母親病逝後他開始做童工養活自己等。在兒童院日子,更活得步步為營。入住初期,曾飽受欺凌。「夜晚瞓瞓下覺,俾人放風火輪,即係俾人唧牙膏喺手,然後插住火柴,支火柴燒到牙膏發滾,我有反應時隻手都已經起水泡。」

冬天睡覺遭淋凍水吹風扇

「又試過冬天蓋棉胎時,被人淋濕凍醒不特只,仲要俾人再用風扇吹住,跟住五點鐘起身,六點鐘要返學,呢啲情況都有發生。每星期我有幾蚊零用錢,會收喺枕頭底,但都會瞓得唔安樂。因為佢哋好叻,會割開枕頭攞走啲錢你都唔發覺。床邊有個好大嘅儲物櫃,試過俾人抬去飯堂爆開,啲嘢掉晒出嚟全部爛晒,當時我喊完之後又繼續返學。到長大後,換轉角色,我又會恰一啲新仔。」
在娛圈事業最低潮時,煮得一手好菜的姜皓文開設私房菜,每次親自下廚,生意亦好。但最後因走火通道及電力問題,影響牌照申請,最後放棄繼續經營。若非如此,甚皓文的演藝事業又豈有今日的成績,正如他說:「如果唔係呢個阻力,今日可能喺電視見到嘅我,係教人煮餸。」

兒時性格孤僻不信人



在這種環境生存,令姜皓文自小起牆保護自己,不易信人。

「小時候經歷太多呢啲嘢,當時我嘅生存之道就係唔好俾人蝦。所以我都會有啲戒心,盡量保護自己,性格亦變得內向。小學時期整個小息都只會留喺課室,直至中學,放小息至會出去玩。最初入行,好多記者朋友都覺得我唔屬於呢一行,覺得我無嘢講好沉默。當時我係收埋自己嘅一個人,之後喺呢個圈認識多咗朋友,先至慢慢開放,學識交際應酬。」

曾在兒童院被欺凌的經歷,令他成長路上自我保護,不愛與人溝通,直至在娛樂發展一段時間,才打開心扇與人建立信任。

過來人明白他們



近年姜皓文會返去昔日寄居的宿舍,以過來人勉勵正面對家庭問題的兒童及青少年院友。「上個月都有去同佢哋傾偈。佢哋想見吓師兄,我本身又想同佢哋傾吓偈,都會分享自己嘅經驗俾佢哋聽。因為佢哋聽完之後,會好似強心針咁,唔多唔少都會幫助佢哋建立信心。

我好榮幸可以話俾佢哋聽,我係喺呢間宿舍行出去,而家都可以變成咁樣。住喺宿舍嘅小朋友,本身信心無咁大,有時會俾人排斥或者睇唔起,佢哋會有咁嘅感覺,因為以前我都會有咁嘅感覺,所以有啲大哥哥返嚟同我哋傾偈,見到啲哥哥變成工程師,令我睇到希望咁。今日我都希望可以影響新一代。」姜皓文說。

今天當上電影男一,又獲金像獎最佳男配,他帶著這份經驗返兒童院,鼓勵新一代。

立即下載APP,精彩內容壹手掌握

下載連結: http://bit.ly/Next29App

如對會員訂閱制有預到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!