網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月7日 星期二

惡搞容祖兒新歌 張敬軒反串女人拍《Pretty Hungry》 __,容祖兒,張敬軒,

早前,容祖兒推出新歌兼二十周年演唱會主題曲《PrettyCrazy》,身為祖兒嘅好友張敬軒亦都好有心,話要送份禮物俾祖兒賀一賀佢二十周年演唱會,於是就 ...






早前,容祖兒推出新歌兼二十周年演唱會主題曲《Pretty Crazy》,身為祖兒嘅好友張敬軒亦都好有心,話要送份禮物俾祖兒賀一賀佢二十周年演唱會,於是就二次創作,化身「冤枉娛樂」新人「火龍果」,惡搞《Pretty Crazy》變《Pretty Hungry》,玩佢至愛嘅「low cost cosplay」。

《Pretty Hungry》MV入面有四個造型,軒仔話佢最愛嘅係一套用膠袋堆砌而成嘅服裝,「雖然膠袋唔環保,但係我哋其實可以將佢廢物利用,好似呢套膠袋衫咁,造出嚟之後,其實真係靚,真係好出色。」除此之外,另一個零食造型係為軒仔度身訂造,公司同事覺得軒仔太為食,所以除咗將歌詞改為「Pretty Hungry」,更特登為佢做咗一個零食背囊,軒仔笑住話:「同事真係好有心,背囊上面全部都係我鍾意嘅零食,當中有我平時半夜直播食嘅,不過我覺得個背囊太靚啦,真係唔捨得食,所以決定之後將背囊送俾歌迷。」至於點解鍾意玩「low cost cosplay」?軒仔認為咁樣先係二次創作嘅精粹,「咁樣先體現出低成本製作出嚟嘅作品都有好嘅效果,同埋更加激發到創意。」

呢個MV一出,除咗吸引一眾網民,藝人泳兒、楊千嬅同鄭希怡等都紛紛留言,至於被「致敬」嘅祖兒今朝就喺軒仔IG留言:「何方妖孽,唔好再搞我好朋友,我軒仔以前好乖巧㗎……唔好講咁多啦,一於攞筷子嚟夾佢啲手指,燒啲符水佢飲吧啦。」十分搞笑。


鍾意就快D Share啦!