張建聲入行八年，由電影《一路向西》第一次做男主角，根本不知發生甚麼事，到有機會跟影帝發哥、城城等合作，他自覺對自己有交代。
最近再做多一瓣，為自己有份演出的電影《作家的謊言》兼做監製，獲得不少圈中人力撐和力讚，其中金牌經理人霍汶希都表示「希望好戲有好報」，張建聲自言很有體會。
「自從我經歷過一部電影誕生過程之後，價值觀係唔同晒，我會更加珍惜每一個鏡頭，因為原來一部電影係得來不易。」他說。
八年時間，他經歷過低谷，尤其有一年沒有開工，加上爸爸離逝，令他更懂珍惜。
「我好感恩拍咗《真.三個無雙》，同埋發哥、城城、莊文強導演的《無雙》，再睇到個世界其好大，我只不過係業內既一粒小種籽，啱啱有少少萌芽，即係喺前輩身上學到甚麼叫低調、謙卑、 專業。」他說。
尤其跟神級廖啟智合作，他表示獲益良多。
「智叔好得意，佢係一個高人，佢會向你暗示一啲例子，但唔會直接講答案，然後佢想你直接思考。」他說。
他指兩人在片場，智叔喜歡叫他「聲哥」，兩人又會像朋友一樣傾偈。
立即下載APP，精彩內容壹手掌握
下載連結： http://bit.ly/Next29App如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
