【新增影片及學者意見】
壹傳媒（282）今日收報0.205元，升7.89%，成交額411萬元。
壹傳媒大股東黎智英表示，「《蘋果動新聞》將於6月17日收取3元手續費，在收取手續費後，會在9月開始正式收費，在正式公佈收費前兩星期，會公佈有關收費價錢及詳情，不接受價錢或詳情的會員，可以取消訂閱、離開。沒有離開的，屆時會正式收費。」 他續稱，收費的價錢會定到最低，希望大部份會員留下，讓《蘋果日報》可以在社會保留一個大的、而且重要的反對聲音。
《蘋果動新聞》由4月10日下午5時起，已實施會員免費訂閱制。截至6月8日晚上10時21分，累積登記會員已過330萬。
另一邊廂，台灣《蘋果新聞網》亦會於同日（17日）收取10元新台幣手續費。
浸大新聞系高級講師呂秉權表示，現時香港傳媒在網上設收費有三大困難，包括大部份新聞種類都差不多，讀者未必容易分辨，要持續有深入、甚至獨家的報道才能吸引付款。此外，香港的傳媒普遍免費已有多年時間，要讀者轉至收費有一定困難；而且收費需要額外的步驟，讀者有可能「嫌麻煩」直接放棄。
呂秉權認為《蘋果》如要收費，「一日畀幾蚊大眾應該可以接受，最緊要內容吸引，同埋夠硬淨，同keep住有獨家新聞。」但認為《蘋果日報》的讀者較大眾化，「乜嘢類型讀者都有，唔同嘅興趣、口味都好多，比較難做到外國《華爾街日報》、《紐約時報》嗰種專門性報道，吸納一啲高消費嘅讀者。」
呂秉權預料，未來一、兩年會有越來越多香港傳媒考慮設網上收費，「依幾年傳媒一直處於陣痛期，未搵到盈利模式。以大環境嚟講《蘋果日報》已經算係有本錢收費嘅一間，大家都會睇《蘋果日報》收費模式行唔行得通，之後再部署下一步。」
他亦指，紙媒衰落，網媒興起已是大趨勢，但要行內一同收費「先係健康、大家都生存到」，「大家都驚一收費，就會俾免費傳媒取代，所以都唔敢行第一步，但《蘋果日報》相對夠內容，基礎都算深厚，我都樂見其成。」
-----------------------------
【新聞有價】6月17日起 繼續撐蘋果
http://bit.ly/2IJ24ZR
|
鍾意就快D Share啦！
|
|
|
