港姐面試於晚上7時許結束後，一眾佳麗乘無綫廠車前往康城港鐵站轉車。「翻版朱智賢」蔡嘉欣（Kayan）未入圍已是非多多，有指她做YouTuber越做越紅，所以才與前度男友分手，又指她與無綫男藝人張子沖拍拖，二人並一起開樓上舖賣衫，又指蔡嘉欣將淘寶貨當高價貨來賣等等。
記者指蔡嘉欣未選先紅，她聞言笑得相當開心，並說：「未未未。」對於她前男友是無綫藝員，她說：「你話邊位呀？我哋呢啲過去嘅就唔好提喇，過去嘅嘢就留喺過去。」問她現任男友是否banker？她驚訝地說：「咁快咁勁嘅？」她承認現時與banker拍拖，又指未有與舊愛聯絡。
對於有網民鬧她開舖將淘寶貨當高價貨來賣，是否真有其事？她說：「咁又冇，我以前係有賣過啲made in China嘅貨，但我自己去廣州度買嘅。」有網民指她今日所穿的衣服是在淘寶購買，約值90多元，她說：「我喺網上買嘅，但唔係90幾蚊，呢啲問題大家唔好斟酌喇。我呢件真係淘寶買，但我都買咗200幾蚊，有時呢啲比較隆重嘅裙，香港反而唔知喺邊度買，我都會上網睇吓嘅，偉大嘅淘寶真係乜都有。」再問她有否將淘寶貨當高價貨來賣？她說：「而家我就去韓國入貨嘅，雖然韓國入貨，但你唔可以guarantee 100%嗰啲唔係made in Korea，因為韓國有啲鞋係外判去中國廠造，所以都會有啲made in China，但我就去韓國入貨囉。」
至於九頭身美女Katy Yeung搭港鐵期間竟有男fans上前要求合照，她未有托手踭一一照做。原來Katy Yeung相約蔡嘉欣一起在將軍澳站搭的士，她在蔡嘉欣接受記者訪問期間，站在一旁等候，記者提示Katy Yeung手上有一張貼紙還未撕走，她即有少許尷尬撕去貼紙。
另外，25歲的黃嘉雯（前名湯洛晴/Carmaney），搭扶手電梯往港鐵站期間，不停玩手機睇自己Instagram，之後與一名佳麗在油塘站落車後一同轉乘的士離去。
-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX
|
鍾意就快D Share啦！
|
|
|