「有啲人可能會問，上個星期上咗街，今個星期日又上？喺呢段時間，我哋必須密密集咁表態，因為嗰條Bill（惡法），嗰個邪惡嘅女人（林鄭），佢係會（圖謀）喺立法會速速通過。」雖然特首林鄭月娥決定暫緩修例，但由於不撤回，「送中」惡法隨時再來，壹傳媒創辦人黎智英呼籲市民繼續抗爭，警告惡法一旦通過，「香港無晒自由，香港就會唔同咗」。
記者 許偉賢
103萬市民上街反對修訂《逃犯條例》，林鄭置若罔聞；大批市民包圍立法會，卻被警方暴力鎮壓，黎智英說起周三警方以武力驅散「反送中」示威者，仍然憤怒：「呢個人（林鄭）用咁強硬，咁暴力嘅手段對付年輕人，然後仲要扮慈母，呢個人真係厚顏無恥兼邪惡！」
上周三（12日）的警方暴力事件，令黎想到六四事件，認為惡法若通過，「30年前天安門事件，可以喺香港發生」，「因為冇咗法治去保護我哋嘅自由」。他認為香港人認同普世價值，「有我哋對自由、人權、西方核心價值追求」，認為在此價值觀薰陶下的香港人，「對於失去自由，有個直覺嘅反抗」，而這種反抗或令中共政權覺得香港人「好難搞」，「如果覺得我哋難搞，咪將我哋『洗腦』囉，好似喺新疆嗰啲回教徒被洗腦一樣。」
黎智英強調：「如果知道失去自由，會令香港變成大陸其中一個城市，變成大陸嘅新疆2.0，咁一定要去諗，點解要抗爭？點解要去遊行？因為唔可以畀呢樣嘢過，過咗香港就乜都冇。」他指香港人非大陸的順民，重申「送中」惡法扼殺香港自由，冀每個人盡力抗爭，「因為呢個係保護家園，保護香港嘅最後一個堡壘，最後一條戰線，為咗阻止香港沉淪，一定要努力……要一路做。」
民陣6.16反惡法遊行
日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會
（資料來源：民陣）
-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多
|
鍾意就快D Share啦！
|
|
|
