掃呢頁CODE去手機

2019年6月5日 星期三

英超Fever:馬納當拿:只有我教得掂曼聯 __,曼聯,

(GettyImages)曼聯自從費格遜2013年退休之後,換過4位領隊結果都唔理想,下季更加無緣歐聯,呢個時候「救星」出現,阿根廷球王馬納當拿自薦執 ...


(Getty Images)


曼聯自從費格遜2013年退休之後,換過4位領隊結果都唔理想,下季更加無緣歐聯,呢個時候「救星」出現,阿根廷球王馬納當拿自薦執教曼聯,聲稱只有佢先至教得掂紅魔鬼。

58歲嘅馬納當拿話:「如果曼聯準備換帥,我就係合適人選,我知曼聯球衣銷售量非常好,但都需要獎盃,我可以幫佢哋做到呢點。」

呢位阿根廷球王仲話非常熟悉曼聯,並對陣中球員作出評價:「曼聯球員入面,我比較喜歡安達靴里拉,至於保羅普巴,佢唔夠努力,職業態度有問題。」不過,佢似乎唔知道安達靴里拉已經離隊,至於普巴嘅問題,全世界都知啦。

原來馬納當拿曾於1983/84年歐洲盃賽冠軍盃,去過奧脫福球場比賽,當時球場氣氛令佢留下深刻印象,所以佢好想教曼聯。

馬納當拿又自爆,現時比較鍾意曼城,因為曼城射手阿古路係佢前女婿,兩人感情好好。不過,如果馬納當拿成為曼聯主帥,話唔定會說服阿古路加盟紅魔鬼。

馬納當拿教波生涯最高峰時期係2008至10年教阿根廷國家隊,但2010年世界盃8強以0:4慘敗畀德國,佢現時教墨西哥甲組球隊多拉多斯。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 




來源 source: http://hk.on.cc
鍾意就快D Share啦!