掃呢頁CODE去手機

2019年7月17日 星期三

【10年回顧】Ronald影過近千位索女寫真 Pure城嫂一分鐘可轉60個甫士 __,城嫂,寫真,方媛,Moka,郭富城,

攝影師林子賢過去影過近千位索女。(資料圖片)
「我係RonaldLam(林子賢),我係一位攝影師。」名字頗陌生,但其實Ronald在過去10年書展都有份參與,拍過無數令人流(鼻)血不止的寫真集,在 ...


「我係Ronald Lam(林子賢),我係一位攝影師。」名字頗陌生,但其實Ronald在過去10年書展都有份參與,拍過無數令人流(鼻)血不止的寫真集,在他的鏡頭下,位位都是惹火尤物。

相關新聞:【書展混戰】港姐人妻激鬥姊妹花 蔣雅文細妹踎甫夠搶



入行22年,「香港寫真之父」亦非浪得虛名,Ronald推出超過40本寫真集,今年決定來一個回顧相集,推出《Ten Year Challenge》,當中收藏了未紅時的「娜姐」周秀娜、未攞「最佳女配角」的陳靜(DaDa)、已升呢做「天王嫂」的方媛(Moka)等等。日前Ronald在九龍灣影樓受訪,一臉自豪地說:「幾百個,接近千啦,冇確實數過幾多個,但數百個一定走唔甩。」每次叫女仔影相,Ronald都覺得不是難事:「我覺得只要你畀佢睇到,你係認真同埋啲相係靚嘅話,好多人都有興趣。好多藝人同專業模特兒,佢哋係唔會介意性感,最介意唔靚,性感得嚟唔靚就大鑊喇!」



讀攝影出身,由助手逐步成為攝影師的Ronald,09年為周秀娜拍下人生第一本寫真集,亦成為他事業的轉捩點:「當時佢未係娜姐,我哋叫佢Chrissie,大家都green,一齊去商量點做好呢件事。最經典嗰張滴雪糕,各人都有意見,係共同努力嘅結果。」Ronald大讚娜姐不扭擰,他說:「佢出名好好態度,要咩甫士同神態都滿足到你,即使好性感嘅shot都唔使黐膠紙,最多唔好再修飾。」

相關新聞:【2019寫真戰】「電競女神」Rose Ma晒美臀 東瀛玩味寫真最出位



繼娜姐之後,DaDa亦算是另一經典,當年她憑「百果園E神」的35E火辣身材爆紅,2011年拍攝周曆,玩足52個Look,其中一件真空透視露咪裝亦是由Ronald操刀拍攝,他說:「當年好興3D,但因為印刷問題出版唔到,我都保留咗一啲3D相,睇番舊照,都好想幫DaDa推出番3D相集,因為佢真係擁有好立體嘅身形。」而當時DaDa還有一班師妹爭住上位,其中一個便是現今的「天王嫂」、郭富城太太方媛,Ronald笑說:「我都有啲遺憾,當年成個行程一次過要影4本,我搵埋另一位攝影師幫手,但佢唔係非常熟練影寫真,而Moka係一位好專業Model,幾乎一分鐘擺60個甫士,我就畀咗佢影,早知自己影番啦,哈哈!」不過,Ronald之後都有找城嫂拍攝雜誌封面,她說:「當時少女味重啲,仲有baby fat,睇近照,外表已經成熟咗好多。」



有人會羨慕Ronald好艷福,亦有人覺得好鹹濕,Ronald淡然地說:「認識我嘅人唔會咁諗,唔識嘅會覺得『你好正啦,影咁多呢啲』。」但其實拍攝過程好辛苦:「大家幻想個畫面好靚,同個體態撩人嘅女仔共處一室,一定覺得攝影師好着數,但實際係化妝師喺你左邊一呎,右邊又有助手拎住反光板,經理人望住有冇走光。即好似成家人喺度,你都唔會想同個女仔有乜親密念頭。」他承認在商業市場,性感在所難免,他說:「其實靚相,我唔覺得一定要性感,但實在性感係比較多話題,會較多人買。我會話性感唔係核心,但性感係一種工具,令到本書更多人認識。」



Ronald希望拍攝性感女郎的背後,亦可以發掘她們的另一面,好似樂瞳由鄰家小妹妹,變成性感女神,媽咪級的楊思琦亦可以越變越後生:「我試過畀外國人睇思琦寫真,都話呢個應該22歲。」Ronald透露每一本寫真集,都要從過萬張相挑選當中最靚的百幾張,問到多年來哪一本最賺錢?他說:「可能都係近期楊思琦,銷量加埋售價各樣,利潤都唔錯。」有指思琦穿「淘寶貨」泳衣,與「沙律」張沛樂撞款,Ronald苦笑說:「嬲呀!我哋香港有贊助,思琦嗰件係真正韓國品牌出嘅泳衣,咁人哋去買冒牌都冇辦法。」他直言跟住思琦着數多:「因為佢喺馬來西亞好受歡迎,去邊都有banner歡迎佢,導遊仲要同我哋講『唔好意思,今餐又食海鮮』,平時我啲行程好辛苦,但佢就好豪華。」



除了影索女,Ronald亦還有影男模,還遇過最尷尬的事:「當時個男Model係全裸,只係拎住條『毛巾仔』喺大廈天台望住一個夕陽城市,我見到佢個表情係好尷尬,可能女仔嘅尷尬我feel唔到,但嗰刻我真係影到有啲毛管戙。」





採訪:嵐山

攝影:陳俊強

攝錄:廖達燊



------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



-------------------------------

錶迷必讀!

89頁腕時計電子書 66款嚴選年度新錶

https://hk.adai.ly/e/v7jEA0MC1X



攝影師林子賢過去影過近千位索女。(資料圖片)  Ronald第一本影的寫真集,便是周秀娜。(攝影:陳俊強) Ronald第一本影的寫真集,便是周秀娜。(攝影:陳俊強)
 每次影寫真集,都要由過萬張相挑選最好的百幾張。

每次影寫真集,都要由過萬張相挑選最好的百幾張。
不少人都覺得影靚女寫真好多着數,但其實背後都有好多辛酸。

不少人都覺得影靚女寫真好多着數,但其實背後都有好多辛酸。
娜姐滴雪糕是香港寫真經典之作

娜姐滴雪糕是香港寫真經典之作
還有刷牙

還有刷牙
未紅時的城嫂Moka亦是o靚模出身

未紅時的城嫂Moka亦是o靚模出身
影過不少火辣的性感相

影過不少火辣的性感相
Moka好緊張拍攝效果,要立即睇相。

Moka好緊張拍攝效果,要立即睇相。
DaDa擁有35E火辣身材,Ronald覺得DaDa好適合出3D寫真集。

DaDa擁有35E火辣身材,Ronald覺得DaDa好適合出3D寫真集。
二人合作無間

二人合作無間
「浸大E神」Carol楊梓瑤已退出娛樂圈

「浸大E神」Carol楊梓瑤已退出娛樂圈
有人覺得影寫真女好好艷福,Ronald自言有苦自己知。

有人覺得影寫真女好好艷福,Ronald自言有苦自己知。
每次影索女,其實Ronald太太都會在身邊「睇頭睇尾」。

每次影索女,其實Ronald太太都會在身邊「睇頭睇尾」。
Ronald今年推出10年回顧相集,特意選出較有意境的一張,主角是「藍莓」劉俐。

Ronald今年推出10年回顧相集,特意選出較有意境的一張,主角是「藍莓」劉俐。
楊思琦

楊思琦
楊思琦的泳衣曾經同沙律撞款

楊思琦的泳衣曾經同沙律撞款
樂瞳

樂瞳

鍾意就快D Share啦!