- 【不相信愛情】66盧宛茵經歷婚姻破裂 從此拍到喊戲
- 5小時前
最近經常聽到一首歌:《我們都是這樣長大的》。
歌詞結尾幾句:「然後磨難結晶，將化做翡翠，多得雨水。」
少女的盧宛茵憑一套《朱門怨》走紅，但要拍苦情戲，對她而言難過登天，因為永遠喊唔出。小康之家成長，生活無憂慮，直至婚後才初嚐人生的不如意，及至婚姻終告破裂，有傷口的盧宛茵，於復出作《季節》，話喊就喊。
「我最記得有場戲，同尹雷做對手，場面都比較感人，我好擔心好似以前咁喊唔出，點知一埋位，嗰場戲係完全無難度就喊咗出嚟。一來劇本寫得好好，二來經歷咗咁多事情，個人好容易喊出嚟。」從此憑演技感動人。去年她在《BB來了》，一幕辣奶奶深夜感觸落淚獨腳戲，滴滴真情，一度成網民熱話，更憑此劇去年拿到萬千星輝頒獎禮的「專業演員大獎」。今年初在《鐵探》演慈母，再憑一幕探望獄中兒子(姜浩文)，二人演技大爆發，一樣被網民讚賞。
入行40多年，五年前是她事業鬱悶期，直至遇上改編潮文的網劇《公屋‧居屋‧私樓》，演白鴿眼外母，盧宛茵名字，再受注意。「我真係估唔到，當時我連網劇係乜都唔知，總之有人搵我拍咪拍囉。同埋跟一班年輕人合作好好玩，佢任我發揮。遇到呢個網劇前，算係我工作低潮位，拍完之後好似又去到另一個高峰，然後到《BB來了》，跟住《鐵探》，心裡面又有番團火。」也估不到，去年中接受本刊邀請，在訪問一展爵士歌喉，引來迴響，可以在66歲之年，開到處女楝篤笑騷，又一次晒唱功！
來源 source: http://nextplus.nextmedia.com
|
鍾意就快D Share啦！
|
|
|
