掃呢頁CODE去手機

2019年7月20日 星期六

《愛.回家之開心速遞》:心外壓出火花!《愛.回家》鐵面陳會揀邊個? __,《愛.回家》,

唔知最後會同邊個一齊呢?處境劇《愛.回家之開心速遞》入面嘅CP向來備受關注,日前播出一集中,由「鐵面陳」王致狄同「葉碧嘉(Rebecca)」沈可欣組成 ...


唔知最後會同邊個一齊呢?


處境劇《愛.回家之開心速遞》入面嘅CP向來備受關注,日前播出一集中,由「鐵面陳」王致狄同「葉碧嘉(Rebecca)」沈可欣組成嘅「鐵碧CP」有新進展,劇情講到王致狄觸電獲「Ma姐」何綺雲及時做人工呼吸急救,醒來時誤會沈可欣先係救命恩人,而令二人感情突飛猛進!劇集出街後即引起網民熱烈討論,唔少網友支持「鐵碧CP」早日開花結果,但亦有網友希望何綺雲加入大玩三角戀。

對於人工呼吸一幕成為熱話,王致狄表示意想不到,但就坦言拍攝時下咗唔少苦功,所以好開心有咁好成績,佢指:「知道有呢場戲嘅時候都同綺雲夾過,拍之前亦避免食太濃味嘅嘢影響對手。最難忘係當時佢要對我做心外壓,為咗更加逼真,佢都好專業咁用真力去做,雖然心口有啲痛,但我都盡力忍住,好彩出嚟效果好好。」至於問到有冇機會玩三角戀,佢就大賣關子:「以我所知『鐵面陳』係好專一嘅人,鍾意一個人就從一而終,不過之後我同綺雲、保安部都會有啲事件發生,到時大家記住睇啦。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!