一班港區全國人大代表、全國政協委員和建制派立法會議員於今日下午5時在金鐘添馬公園發起「愛護香港」集會。上月底，梁家輝、譚詠麟（阿倫）、鍾鎮濤（阿B）、陳友、陳欣健、尹揚明、高志森等出席撐警集會，部份藝人更上台高呼口號。
一直撐大灣區的歌手肥媽(Maria Codero)今日終於現身，與早前去警署撐警的陳百祥（阿叻）齊齊穿上大會呼籲的白tee冒雨出席活動，並擔任活動司儀。二人上台與前律政司司長梁愛詩、譚惠珠等同台講感受，肥媽在現場與出席人士一齊大叫口號：「守護香港！」更在台上激動斥責議員：「好心，你哋讀咁多書，唔好害人哋啲仔女你自己個仔就叫佢走，害死人咩你哋。」
在旁的阿叻勸肥媽不用激動，他表示：「我哋講道理。」而肥媽更激動落淚，再說：「仲有300幾萬選民，你哋去咗邊度，點解唔出嚟選，點解畀佢哋入去立法會呀，點解你哋唔出嚟選，自己票唔用，畀人哋入去。我哋有300幾萬人係有選票架，你哋匿喺屋企唔做嘢，唔該大家嚟緊一年選返啲真真正正嘅人出嚟入立法會啦。」阿叻讚肥媽講得非常之好：「講出好多香港人嘅心聲出嚟，但係香港嘅基石就係法律，呢段時間我哋都請啲法律界人士出嚟講吓。」在活動尾聲，阿叻在台上叫大家一齊唱《獅子山下》，還呼籲大家帶走垃圾。
------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|