鍾鎮濤（阿B）早前為撐警集會站台之後，隨即外遊歎世界。近日終於返港，仲帶埋老婆范姜約埋幾個朋友High tea添。見佢成程笑笑口，似乎無因為被廣大市民鬧爆而覺得有壓力、唔開心喎！咁又係，從佢嘅打扮睇得出，由頭藍到落腳，死忠嚟㗎嘛！
撐完警之後，或者眼見多年的歌迷都怒碎唱片，譚詠麟有感而發，在微博upload演唱《在乎》的片段，並說「歌詞很特別」，而歌詞中更有句：「傷心一個擔了，空虛一個擔了！」似乎是想憑歌寄意，立即引來大批內地網民留言支持：「我们在乎你，中国14亿人在你背后！」
另一邊廂，怒斥年輕人「九唔搭八」的阿B似乎無譚詠麟咁上心在意，總之撐完就去旅行，旅行完返嚟就約朋友歎茶，就係咁簡單。席上老婆范姜化身開籠雀，指手畫腳笑住講唔停，大把嘢開心share，而阿B成程亦笑騎騎不痛不癢咁。
無錯，佢或者真係不痛不癢，好聽啲就學盧覓雪話齋，佢係個好簡單嘅人，難聽啲就如杜汶澤所講，佢係個善良得嚟亦好X蠢嘅人，所以唔可以怪B哥，仲要還佢一個公道。此話怎說？阿澤舉例：「佢唔單只唔明後生仔講咩嘢，連平時好多嘢都唔明㗎，譬如你同佢講1加1係2，佢會：『吓！我唔明喎。你都九唔搭八嘅！』」
唔理佢善良又好蠢又好，總之事實已擺在眼前，導致好多反送中支持者唔妥阿B，而且調返轉勁Like佢前妻章小蕙，話一直錯怪章小蕙，原來佢先係目光遠大嘅人，早20年已經知道自己嫁錯九唔搭八嘅老公，所以先敗晒阿B副身家。 詳情：http://bit.ly/2YBCug0
來源 source: http://nextplus.nextmedia.com
|
鍾意就快D Share啦！
|
|
|