(Getty Images)
唔止足球睇波，仲有24小時滾動賠率，即時體驗：https://bit.ly/2UmNL0L
阿根廷球王美斯喺美洲國家盃季軍戰，不但被逐，賽後更拒絕領取獎牌，並炮轟南美足協腐敗。根據西班牙《阿斯報》爆料，美斯此舉違反南美足協章程之中，不準評擊球證及南美足協官員嘅條例，最高可被罰國際賽停賽兩年。
美斯喺季軍戰同智利中場美度發生衝突，被罰紅牌，賽後拒絕領獎，佢話冇必要成為貪污腐敗一部份，因為阿根廷喺今屆賽事不獲尊重，令球隊無法入決賽。
美斯之所以咁講，係不滿4強對巴西，球證判決唔公平，令阿根廷輸波，更指南美足協內都係巴西人。
南美足協亦發表聲明，指美斯嘅指控毫無根據，亦對球證及專業人士缺乏尊重。《阿斯報》認為南美足協會進一步處罰美斯，最嚴重係罰佢國際賽停賽兩年。
一旦美斯真係要喺國際賽坐兩年波監，就會無緣明年由阿根廷及哥倫比亞合辦嘅美洲國家盃，以及部份世界盃外圍賽。如果係咁，美斯會唔會考慮從此退出國家隊呢?
立即參加「賞您睇」：http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
來源 source: http://hk.on.cc
|
鍾意就快D Share啦！
|
|
|
