現年31歲嘅白雲雖然做咗人妻，但E Cup身材無收收埋埋，夏天一到隨即大晒三點式下海相，大方展示自己傲人身材，真係有本錢睇到人流鼻血㗎！
早前《壹》仔撞見佢同老公拍拖，有老公喺身邊佢都識做，收返埋條事業線免得惹人眼甘甘令老公唔舒服，最多只係連身短裙show下肉腿。
不過，以白雲咁嘅身材，就算包到實都一樣有迫爆效果，可惜粉色打扮顯得佢相當好肉，仲有少少似大肚婆添，明明IG啲性感相好勻稱㗎嘛。
Anyway，記得白雲講過自己係個好嗲嘅女仔，又唔識照顧自己，所以好需要別人照顧，咁佢老公真係符合晒佢要求呀！事關白雲行街都靠住老公膊頭嗲到暈，睇化妝護膚品期間老公又成個阿四咁，拎住購物籃跟尾接貨，再自動自覺去排隊畀錢。
老公咁聽話係有回報嘅，白雲之後去睇胸圍底褲三點式，又有新款著畀老公大飽眼福喇喂！
來源 source: http://nextplus.nextmedia.com
|
鍾意就快D Share啦！
|
|
|