張致恒（Steven）的偷食檔案越揭越多，今日有雜誌爆料，指Steven在2013至2016年與莊端兒拍拖期間，先後偷嗒大台小花蔣家旻和失婚裕美。指Steven一直好食懶做，平時衣食住行靠晒富家女莊端兒，但拍拖第二年Steven已「身痕」暗媾蔣家旻，但被莊端兒發現二人的對話錄音，蔣家旻才知道自己是小三，傷心到一度有自殺念頭。
而裕美在2016年與當時老公和黃子恒嘅三角關係，搞到有家歸不得，傳暫居狄以達的九龍灣公司，遇着冇水沖涼，Steven便趁莊端兒離港工作，邀請裕美返屋企沖涼兼過夜，遇正裕美M到血染床單，被莊端兒發現嬲到震！莊端兒今日回覆《蘋果》沒有否認，只說：「我知道件事，但已經過咗去唔想再講。」但其餘兩位當事人就齊聲否認，蔣家旻說：「其實我已經回應過一次，唔想再牽涉喺呢一件事上面，因為真係唔係事實。我同佢都唔熟悉，公司節目只係合作過兩次，我同佢亦都冇拍過拖。」
裕美則透露15歲已認識Steven，情如兄妹，裕美慨嘆：「無啦啦又關我事，好似好多囝囝都關我事。」裕美與Steven同是基督徒，經常會一齊去傳福音和做見證，讚對方好識照顧人，但強調與對方「冇嘢」，她說：「真係清者自清，我希望端兒唔好誤會啦，其實我性格，唔會話識咗好耐先同佢有嘢或鍾意，基本上係識咗一陣，有嘢就一早有嘢囉。」
裕美表示暫時未有聯絡對方，她說：「唔想煩佢，只可以為佢祈禱。我哋之前真係好friend，佢都有同我講過啲感情事，煩惱唔開心嘅，但唔係關乎好多女朋友嗰啲，所以今次呢單我真係唔清楚。佢又靚靚仔仔，又係mix（混血兒），講嘢又叻，又識氹女仔，好多女仔埋身，佢又抵擋唔住，但覺得佢可以處理得好好多。」
另外，Steven的未婚妻、粉絲雯雯亦被爆是「追星界」的媾仔能手，曾與Supper Moment成員Sunny拍拖，又主動向關楚耀投懷送抱，似乎雯雯和Steven都是情場殺手。
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
| 蔣家旻和裕美都否認與Steven拍過拖。（資料圖片） | | |
|
鍾意就快D Share啦！
|
|
|