熱爆娛樂: 【爆相爆片】66歲「愛國歌手」鍾鎮濤現殘樣陪太太囡囡超市買餸享家庭樂 _

2019年8月19日星期一

【爆相爆片】66歲「愛國歌手」鍾鎮濤現殘樣陪太太囡囡超市買餸享家庭樂 __,爆相爆片,鍾鎮濤,

66歲的鍾鎮濤（阿B）兩次出席撐警集會，第一次斥責年輕人「九唔搭八」，而最近一次更帶埋台灣太太范姜現身，在台上呼籲更多演藝人企出來，因為擔心情況變差「大家都冇得撈」，並高呼：「冇國唔會有家，冇家唔會有我。」

「愛國」阿B重視家庭亦不是空口講白話，早前《蘋果》讀者劉小姐透過「爆相爆片」，表示見到阿B和范姜帶埋24歲大女鍾嘉晴和15歲二女鍾懿一齊去中環ifc的超市買餸，一家人感情好好。當日下午四時許，讀者劉小姐見到阿B和二女在超市門外等候，二女穿上超短熱褲，而阿B則穿jacket打扮新潮，劉小姐說：「對佢（阿B）感覺麻麻地，但見佢幾高大都會望多兩眼，點知近睇個樣好殘，佢亦聽到我話佢老，個樣尷尷尬尬。」

約15分鐘後，范姜和大女買完餸及家庭用品，一人推住一架超市車離開。大女嘉晴雖然是章小蕙所生，但與繼母范姜感情要好，嘉晴行得較快，亦不忘回頭望望後面的范姜。之後兩母女行埋一邊將買好的東西放入環保袋，阿B和二女就沒有幫手拎，而是先行去取車，在樓下近扶手電梯位置接載兩母女離開。

------------------------------

【每周送10萬】

升級壹會員獨家尊享，立即參加10萬火急大抽獎!

*推廣生意的競賽牌照號碼：52302-9

左圖：讀者提供／右圖：資料圖片	二女鍾懿已經15歲，穿短褲晒腿。（讀者提供）	 讀者劉小姐表示阿B一身潮人打扮，但樣子卻有點殘。（讀者提供）
 大女嘉晴與繼母范姜感情要好，一齊入超市買餸。（讀者提供）	 阿B一身名牌。（讀者提供）	 范姜（啡衫）和嘉晴（黃衫）夾手夾腳將買好的食物放入環保袋。（讀者提供）
 范姜和嘉晴離開時拿着兩大袋東西，看起來頗吃力。（讀者提供）	 （讀者提供）	 阿B、范姜及二女鍾懿（IG圖片）
 鍾懿喜歡音樂，早前便跟爸爸到中山做巡迴演唱會。（IG圖片）	 阿B四個子女，大仔鍾嘉浚、大女鍾嘉晴（右上）、二女鍾懿（中）和細女鍾幗（左一）。（IG圖片）	 阿B日前和太太范姜一齊出席撐警集會，並呼籲更多藝人站出來。（資料圖片）