2019年8月1日 星期四

羅霖:羅霖爆前夫一早有新歡:仲同過我啲仔去旅行 __,羅霖,

羅霖踢爆前夫一早有新歡。藝人羅霖到尖沙咀出席晚宴。提到前夫劉坤銘近日爆出有新戀情,女方是現職香港基督教女青年會總幹事楊建霞(Yvonne),有指兩人交 ...


羅霖踢爆前夫一早有新歡。


藝人羅霖到尖沙咀出席晚宴。提到前夫劉坤銘近日爆出有新戀情,女方是現職香港基督教女青年會總幹事楊建霞(Yvonne),有指兩人交往已一段日子,但劉坤銘稱尚未正式介紹女友給三個兒子認識,羅霖則踢爆說:「我知道好耐,係啲仔仔話畀我聽,啲仔仔都同過佢哋去過旅行,我個人比較直,有嗰句講嗰句,我唔會好似人哋咁識包裝。(傳佢哋有意結婚?)我驚講咗唔係咁適合,總之佢哋一齊咗一段時間,都同得我啲仔仔去旅行,據我所知佢哋都好多年喇,當然希望佢哋開花結果,祝福佢哋。(有冇擔心啲仔仔情緒唔開心?)依家已經好啲,因為都已經係幾年嘅事,初初有,依家冇,我啲仔仔都大,我又開解佢哋,慢慢接受。(依家相處得幾好?)呢樣就唔講得,反而我啲仔成日叫我搵番個伴,都好感動三個仔咁錫我,等佢哋大學畢業先再考慮。(介唔介意畀人將你同前夫女友比較?)唔介意,每個人都有優點、缺點,佢都唔係娛樂圈嘅人,所以冇得比較。」講到在澳門被拍得身邊有男士出現,羅霖則解釋是生意朋友,她說:「朋友都驚咗同我出去食飯,食飯都叫我搵個隱蔽啲嘅地方。」

羅霖透露已落實到廣州舉行的寫真集簽名會,因主辦單位已答應安排保安。問到可擔心有熱情粉絲衝上台?她說:「唔擔心,因為有保安,同埋我都識執生嘅,相信我啲粉絲都唔會咁猖狂。」另外,於晚宴上,鄭明明、葉家寶獲頒授美國格林威爾大學國際榮譽院士榮銜,而身為「國際親善大使」的羅霖,指未來目標會多參與慈善工作,並與不同界別人士交流做生意心得,向前輩學習。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...