莊端兒昨晚在尖沙嘴出席《狂野時速：雙雄聯盟》首映，對於前度張致恒（Steven）宣佈雙喜臨門，升呢做人父兼人夫，旋即出現小三小四，有圈中女藝人牽連在內，一班身受其害女名單曝光。莊端兒被問舊愛的情史，她說：「我已經跳出嚟好耐，都三年，我哋2016年9月分開。」當時有否錢債瓜葛，莊端兒說：「過去唔講喇，我哋財政獨立，佢啲新嘢我唔知，咁耐之前嘢，冇特別講。」
莊端兒表示只回應過「被偷走的那五年」事件（指在她和Steven拍拖時原來已有April ），但問到有指Steven與她拍拖期間曾偷嗒蔣家旻及裕美？莊端兒最初說：「唔再講，過咗咁耐，知道有呢件事。」追問她是聽聞還是真有其事？莊端兒說：「我係當事人當然知情，細節唔講，分手嗰陣時冇講，何必而家講，係有呢件事發生。」報導指裕美曾於Steven床上留下月事血漬令事件東窗事發，莊端兒表示：「我知情。」她續說：「睇到報導我有啲虐心，因為我經歷過，亦都愛過嗰個人，唔再講。」
之不過消息一出，裕美和蔣家旻急劃清界線堅決否認此事，莊端兒說：「唔知，佢有佢講法，我有我知情。」雖然舊愛爛情史一籮籮，莊端兒亦為他送上祝福：「希望件事快啲過去，男方都有新生活，唔好畀呢啲嘢困擾，幾唔開心都會過去。」至於將來拍拖會否要先了解清楚對方背景？她笑言：「因為有以前啲經歷，所以我依家都係單身，大家都明喇！而家我覺得工作緊要過愛情，做好自己自然會有人欣賞你，會有懂得愛你嘅人。」
採訪：卓寶花
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|