雙親離異未受打擊 林愷鈴向父送祝福
林愷鈴昨晚出席時裝展活動，對於父母離婚一事，她表示雙方已分開一段時間，並不突然，又指他們很理性，關係友好：「佢哋一直都對我好好，係好好嘅家長，好Take Care我。（佢哋分咗居兩年？）等佢哋自己講，作為女兒，佢哋係好好嘅父母，一路都好關心我，盡心盡力盡責咁去照顧我，我好幸福，對我冇乜打擊。」
問到有否見過爸爸的女友，林愷鈴說：「多謝關心，等佢自己講。（祝福爸爸有新女友？）當然會祝福，成件事好正面，希望佢哋開心，父母將來有另一半都會祝福。（鼓勵媽咪搵另一半？）我好開放，呢個年代大家都想開心，有咁錫我嘅父母好開心、好幸福。」其父林煒曾指龔慈恩喜歡控制家中大小事，對此，林愷鈴說：「唔覺喎！（同爹哋仲有冇聯絡？）梗係有！（同媽咪住？）一直都喺香港同媽咪住。」
此外，惠英紅與龔慈恩認識多年，直言早已知道好友離婚，並支持雙方選擇自己喜歡的生活：「如果唔適合，分開都好，早啲各自搵一個更合適嘅，總之最緊要開心！」
來源 source: http://orientaldaily.on.cc
|
鍾意就快D Share啦！
|
|
|
