昨晚杜汶澤的網台上載了新一輯的《CEO會客室》，今集請來的嘉賓是大哥森美，一向很少提及私事的森美今次被「捉」上節目，更首次透露今年遇上健康危機。
森美在節目中說道，「有一日我發現口腔入面有一粒黑色嘅、好似痣咁嘅嘢，咁我初頭冇理，諗住生粒癦啫冇乜嘢，直到年中搵做牙醫嘅舊同學睇牙，佢見到之後話『口腔入面好少有痣㗎』然後就畀咗個專科電話我，臨走嘅時候佢無端端望住我，我仲記得佢個表情『得閒出嚟見下面囉...下個禮拜約啲friend出嚟飲嘢啦下』，佢講完我個心即刻怯一怯...」
忐忑不安的森美回家之後立刻上網查找有關資訊，「原來佢叫做色素瘤...色素瘤係皮膚癌嘅一種，亦都係比較嚴重，喺口腔出現嘅存活率大約係20%。」面對突如其來的健康警報，森美形容自己「成個人生都醒咗」。
馬上尋求醫生幫助的森美，被告知「一係就係色素瘤，一係就真係癦。」面對死亡如此接近，森美表示整個世界對他來說都不再一樣。幸好《蘋果》聯絡森美，問到他的健康情況，得到好消息，森美回覆道：「冇事啊，過咗㗎喇，都幾個月前㗎喇。」
森美續回應道：「嗰陣時未查清楚就驚啲囉，因為喺口腔入面係好少有，後尾查到係良性嘅，不過都驚佢變惡性，所以咪割咗佢囉。阿澤問開近排嘅事，我咪講囉，後遺症就冇嘅暫時，不過都要繼續check多啲身體。」
森美表示：「小手術啫，所以嗰陣時都照開咪照做節目，應該冇嘢嘅，多謝關心。」至於等化驗期間，太太有何反應？森美說：「嗰陣時太太喺英國陪緊個仔考會考，我當時淨係同太太講，諗住出咗報告有咩事先同其他人講，始終都唔想爸爸媽媽擔心。嗰段期間都叫做一個人面對，都係一個好重要嘅經歷。」
|
鍾意就快D Share啦！
|
|
|
