羅莽曾有一段婚姻，可惜太太於30年前不幸病逝，由他獨力湊大一子一女。他說：「我25歲結婚，同太太係緣份，我係喺邵氏最光輝日子結婚，邵氏沒落之後冇戲開，我跟爸爸做三行，有時去內地，我好少喺屋企，太太照顧一子一女非常之好。」提到亡妻病逝原因，羅莽說有日發現太太大髀突然有一撻撻瘀痕，檢查後發現已是血癌末期。
憶起太太，外表硬橋硬馬的羅莽也感慨起來，他表示亡妻情深義重：「我覺得太太有偉大精神，唔想我哋擔心佢，因為醫唔到佢，費事我哋辛苦，佢就呃我哋，食安眠藥瞓覺，點知佢食咗落去就斷氣。我太太係非常之偉大，所以之後我教仔女教得佢哋好好，我個女想讀書，我供佢去澳洲讀到碩士，佢𠵱家嫁咗懲教署嘅官唔做嘢，最緊要佢鍾意啦，哈哈！我個仔讀書麻麻哋，我同佢講嘥錢冇所謂，唔好嘥自己時間，結果佢去考消防，𠵱家做咗消防教官。」
相關新聞：【蘋聞重溫】張徹契仔打出名堂
來源 source: http://hk.entertainment.appledaily.com
|
鍾意就快D Share啦！
|
|
|
