掃呢頁CODE去手機

2019年9月11日 星期三

娛刺撈飯:「方法演技」太瘋癲!葉璇刀插髀罅做大師 __,葉璇,

葉璇對自我角色投入度,簡直可以攞奧斯卡。「緋聞女王」葉璇早前自爆同內地男友「小默先生」分手,分手本來冇乜出奇,奇就奇在葉璇分手前幾日仲喺專訪大講「我唔 ...


葉璇對自我角色投入度,簡直可以攞奧斯卡。


「緋聞女王」葉璇早前自爆同內地男友「小默先生」分手,分手本來冇乜出奇,奇就奇在葉璇分手前幾日仲喺專訪大講「我唔介意畀佢知我愛佢」,就好似網絡流傳過嗰段「我不能忘記你」咁冤氣。不過呢頭無差別閃盲男女老幼,嗰頭就話同「最心愛的雞雞很大的寶寶」斬斷四年情,你以為佢真係捨得咩?


撇開葉璇講嘅「最心愛、雞雞很大」唔講,淨係睇佢拍拖後詩興大發,喺微博引用唐代詩人白居易《長恨歌》「春宵苦短日高起,從此君王不早朝」,再整多段相傳宋徽宗寫畀一代名妓李師師嘅「回眸入抱總含情, 痛痛痛」、「這回風味成癲狂,動動動」、「唇兒相湊,舌兒相弄」,嗰種吟法,震驚十四億人!


縫六針笑到面黃


不過咁,畀你估到嘅,就唔係「新一代奇女子」葉璇。正如當年拍《情陷夜中環2》刀仔插大髀,話說劇組出動呎半長真東洋刀上陣,本來拍完大頭應該換番把假嘢,點知道具刀全部爛晒,敬業嘅葉璇冇有怕照拍,騎住陳寶轅嘅假人瘋狂抽插,就咁捅咗落自己左髀內側,堅係「痛痛痛」,去醫院縫咗六針!


雖然葉璇被傳不和嘅張文慈笑到面黃,但係插傷髀罅,焉知非福?呢幕「方法演技」喺網上有超過十六萬點擊,幾年後,葉璇做埋浙江橫店影視職業學院表演系客席教授添,仲同出名要求高嘅杜琪峯導演合作完一次又一次,冇錯,就係兩次咁大把,貴精不貴多!


身家過億都走數


千祈唔好以凡夫俗子嘅眼界理解奇女子葉璇,佢告小默先生前女友呂小姐造謠,但係輸咗官司又冇畀賠償,被法院頒下一道「限制消費令」,唔可以搭飛機、買樓、旅遊,當時葉璇回應冇聽過件咁嘅事,點知舊年就喺北京首都國際機場被限制出境,要親身去法院交道歉信同擺低八萬銀人民幣罰款至甩到身。


你以為葉璇傳出𤓓味?No啦。即係咁,演技係靠人生經驗浸淫出嚟。佢藉住呢劑基本上係自我實現嘅「機場禁飛」,體驗奧斯卡最佳電影《ARGO-救參任務》入面,男主角賓艾佛力嗰種冒死都要搭飛機逃出德黑蘭嘅驚心動魄心情。否則,你以為集選美冠軍、藝人、教授、董事、酒店同手機App投資者於一身、自爆喺香港、北京、上海同杭州都有樓收租、傳身家超過一億元人民幣嘅葉璇,找唔起一條雞碎咁多嘅賠償?


都話奇女子注定一世都冇人明白,葉璇唔係被人爆料,話佢縱容愛犬咬傷內地藝人李依曉,令對方頭同左耳受傷,縫咗二十幾針,就係自爆被上海某餐廳侍應侮辱,話佢食唔起六百蚊嘅主菜。呢啲並唔係葉璇又試上演「麻煩女子劇場」,而係表演系客席教授備緊課咋!


既然死後獻出身軀畀醫科生學習解剖, 被尊稱為「大體老師」,咁樣醉心演戲,自插一刀嘅戲劇大師葉璇,起碼都應該叫做「大髀老師」至啱數。至於,前面要唔要加埋「最心愛雞雞很大的」,就再傾


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。





來源 source: http://hk.on.cc
鍾意就快D Share啦!