葉蘊儀收身成功，早前推出破格寫真︰「之前藝術作品都係同女性議題有關，喺中國人社會裏面，可能覺得好大膽，至於影呢輯相，我唔覺得同母親角色有牴觸，因為仔女都已經長大懂性。」揀相過程很忐忑，因為每張相她都滿意難下抉擇，葉蘊儀說︰「好想將自己唔同面貌呈現，其中一輯着三點式披上乾濕褸嘅相，我最鍾意，因為呢個最唔似我，相中我要表達高度自信。但就算𠵱家減咗磅，我都唔係好夠膽好自信，平時出街我都好似成個蒙面俠咁，包到冚。」葉蘊儀從來不減肥，半年減36磅確是挑戰︰「整個過程好開心，我想減肥，用幾多時間由自己控制，開頭係逼自己做，之前有細路真係好難減肥，但有目標去減，所以好有動力。」
變靚再上路，是否想在事業上再有一番作為？葉蘊儀說︰「我唔會諗太多，我細個入行都冇諗過乜嘢高峯或者要好紅。影一本相集自己可以完全操控，但做演員，好多其他因素影響，就算我想再出嚟拍嘢，但你仲有冇市場、有冇人搵你，加上𠵱家電影同電視產量都減少，同8、90年代差好遠，當然有機會，我都想試。」
相關新聞：與髮型師傳緋聞
來源 source: http://hk.entertainment.appledaily.com
|
鍾意就快D Share啦！
|
|
|
