2019年10月7日 星期一

【童年相證冇整容】被嘲「妹仔樣」難做女一 陳婉婷眼濕濕:范冰冰以前都係做丫鬟 __,整容,范冰冰,陳婉婷,

 (攝影:陳慧安)
「做嘢唔辛苦,冇嘢做先係最辛苦。」入行8年,被封「最索丫鬟」的陳婉婷(Hebe)最近決定離開無綫,她坦言前路茫茫,只希望往外看世界。她說:「家人一直都 ...


「做嘢唔辛苦,冇嘢做先係最辛苦。」入行8年,被封「最索丫鬟」的陳婉婷(Hebe) 最近決定離開無綫,她坦言前路茫茫,只希望往外看世界。她說:「家人一直都好支持我,媽咪話你有地方住,唔使咁緊張,可以試吓。」Hebe出生草根家庭,爸爸是「廚房佬」,媽媽做製衣,她說:「廚師真係好捱得,由細到大,我見Daddy每朝5點起身返工,11點先返到屋企,佢哋係好捱得嘅一輩,所以教識我都要好捱得,做人要有骨氣同義氣。」



奈何做娛樂圈,「等開工」或許已成為習慣,Hebe最耐試過半年坐冷板櫈,但她從來不介意角色無名無姓,只得一場戲都會接。她說:「我最叻演怒同哀,因為我好快就喊到,試過有場戲話我失戀跳橋,冇前冇後(劇本),一嚟就叫我喊,就會諗番自己經歷。」近年Hebe算多演出機會,在《白色強人》扮隆胸天后級歌手,《樓奴》又借肚畀人生仔,早前拍《丫鬟大聯盟》更首次有感情線,可惜因為黃心穎偷食事件致播出無期,她說:「希望播得番啦,今次好開心,有感情戲,仲要15集,集集都有我。」



Hebe的古裝扮相俏麗,尤其在《宮心計2深宮計》一場宮婢沐浴的香艷鏡頭,令人印象難忘。問到可會介意被指「妹仔樣」難成大器,Hebe忍不住眼濕濕說:「睇討論區都有人講,成個妹仔樣,呢啲女仔點做女一?」Hebe屏聲靜氣幾秒再說:「放棄(演戲) ?冇,家姐成日同我講,范冰冰以前都係做丫鬟。」然後點點頭,跟自己說聲「加油」!



2010年,Hebe參加《第一屆FACE USTAR大專校花校草大選》,第一次感受到Haters的可怕,她說:「都有人話我靚女,但有啲留言就話『佢個嘴好怪』、『個鼻肯定整過』、『呢啲都出嚟選』,我真係喊喎,點解要咁鬧我呀?我做錯乜?但而家會睇得開,都係茶餘飯後,可能佢哋亂打,用幾秒去打呢個留言,唔使負責任,我做乜要咁上心。」Hebe即場「嗡起個鼻」,展示鼻樑上的摺痕,笑說:「我由細到大個鼻都係咁直,面同其他嘢越嚟越大,但鼻就冇大過。我上網睇過,如果整過就做唔到呢個動作。」Hebe表示從來不介意演醜女、乞兒角色,她說:「我有玩直播app,有啲fans開頭以為我係『綠茶婊』,即台灣用語扮晒嘢,自以為自己好靚,但識得我耐就知我份人其實好爽朗。」



Hebe性格內歛,圈中好朋友不算太多,最相熟的竟然是薛家燕、敖嘉年、高皓正等前輩,她解釋:「我入行第一部劇做《新抱喜相逢》,我做家燕姐個女,而敖嘉年就做我阿哥,感覺似一家人,工作上有乜煩惱都會搵佢哋傾。有時太耐冇嘢做,情緒難免低落,同輩未必教到你點做,反而前輩就會叫你唔使驚,應該把握時間去學嘢。」她入行前曾經與張彥博拍拖,雖然現在已分手,但見面亦是朋友,她說:「以前細個唔識體諒,但而家合作反而暢通無阻。」30歲的Hebe仍是單身,她笑言慶幸大她10年的家姐已經結婚生仔,所以父母未有給予太大壓力,她說:「以前阿媽會覺得23歲好結婚生仔,但而家都放棄咗,哈。我擇偶條件好簡單,可以共富貴同共患難,只要心地善良,就唔會花心同傷害你。」





採訪:嵐山

攝影:陳慧安

攝錄:廖達燊

-----------------------------



-----------------------------



(攝影:陳慧安) 陳婉婷在無綫8年,最近決定離巢往外闖。 陳婉婷在無綫8年,最近決定離巢往外闖。
被指「妹仔樣」,陳婉婷即忍不住眼濕濕。

被指「妹仔樣」,陳婉婷即忍不住眼濕濕。
Hebe否認有整容,即「嗡」起鼻展示摺痕。

Hebe否認有整容,即「嗡」起鼻展示摺痕。
 Hebe自言不介意工作辛苦,笑言:「冇嘢做先係最辛苦。」

Hebe自言不介意工作辛苦,笑言:「冇嘢做先係最辛苦。」
Hebe至今仍是單身,希望找一個心地善良的男人。

Hebe至今仍是單身,希望找一個心地善良的男人。
初出道的范冰冰在《還珠格格》中飾演丫鬟金鎖。

初出道的范冰冰在《還珠格格》中飾演丫鬟金鎖。
Hebe由細到大都一樣樣。 (圖片由受訪者提供)

Hebe由細到大都一樣樣。 (圖片由受訪者提供)
 (圖片由受訪者提供)

(圖片由受訪者提供)
幼稚園畢業,Hebe晒萌樣。 (圖片由受訪者提供)

幼稚園畢業,Hebe晒萌樣。 (圖片由受訪者提供)
 中學時期,已經眼大鼻直。(圖片由受訪者提供)

中學時期,已經眼大鼻直。(圖片由受訪者提供)
Hebe的古裝扮相俏麗,被封「最索丫鬟。(無綫電視截圖)

Hebe的古裝扮相俏麗,被封「最索丫鬟。(無綫電視截圖)
Hebe有份拍攝《丫鬟大聯盟》,但因為黃心穎偷食事件,令劇集推出無期。(IG圖片)(IG圖片)

Hebe有份拍攝《丫鬟大聯盟》,但因為黃心穎偷食事件,令劇集推出無期。(IG圖片)(IG圖片)
在《丫鬟大聯盟》,Hebe與香港先生黎振燁有感情線。(IG圖片)

在《丫鬟大聯盟》,Hebe與香港先生黎振燁有感情線。(IG圖片)
《丫鬟大聯盟》與黃心穎是好姊妹。(IG圖片)

《丫鬟大聯盟》與黃心穎是好姊妹。(IG圖片)
 Hebe在《白色強人》扮隆胸天后級歌手。(無綫電視截圖)

Hebe在《白色強人》扮隆胸天后級歌手。(無綫電視截圖)
Hebe拍《新抱喜相逢》時飾演薛家燕女兒,Hebe有煩惱亦會找家燕姐傾訴。(IG圖片)

Hebe拍《新抱喜相逢》時飾演薛家燕女兒,Hebe有煩惱亦會找家燕姐傾訴。(IG圖片)
Hebe早前去馬來西亞拍電影。(IG圖片)

Hebe早前去馬來西亞拍電影。(IG圖片)
Hebe曾經同張彥博拍拖,但分手亦是朋友,合作亦沒有尷尬。(IG圖片)

Hebe曾經同張彥博拍拖,但分手亦是朋友,合作亦沒有尷尬。(IG圖片)

鍾意就快D Share啦!
Related Posts Plugin for WordPress, Blogger...