曾浩賢因急性病突然離世，彭秀慧感到十分痛心。
舞台劇演員兼導演彭秀慧（Kearen）今日突然喺社交網透露劇場監製拍檔阿賢（曾浩賢），尋晚突然因急性病突然離世，令佢痛心失去戰友：「多年來一起打仗，見證彼此成長，為我緊守監製和前台崗位，是我非常重要的伙（夥）伴和朋友。他對香港劇界貢獻良多，永遠熱心助人，失去如此重要戰友，對我或是香港劇場都是一個極大損失和打擊。我們會永遠懷念他，同時以他的信念繼續做好他着緊的，無論劇場內劇場外，善良才是最大價值。」
而徐天佑亦留言懷念阿賢兩個星期前邀請佢嚟舞台劇，但因為佢當日有少少唔舒服，結果冇去，佢感嘆人生無常，要珍惜眼前人：「結果當日我有啲病，所以冇去到，我仲話，下次啦一定有機會，然後佢就叫我『好好照顧自己』，估唔到呢句就係最後一句 ，我連多謝收到佢嘅關心都未講，昨晚突然收到消息佢已經離世，人生無常，想向人表達愛 關心唔好等咁耐 即管去講，我哋唔會知道下一秒發生咩事，珍惜眼前人。」
來源 source: http://hk.on.cc
|
鍾意就快D Share啦！
|
|
|