Super Girls成員吳嘉熙（Cheronna）和夏雨仔黃奕晨（Dixon）分手結束兩年情，其實兩人分手早有預兆，6月Cheronna接受商台節目「公子會」訪問，與森美、火火及劉翁講談感情問題時，也承認和Dixon的感情進入保溫期。
森美在節目中與Cheronna談到拍拖與另一半的信任問題，Cheronna自爆因為無法信任男友，令大家感情一度出現問題，她說：「可能佢（Dixon）係好nice、好friendly嗰種人，身邊好多異性，有時會唔識避忌，試過喺公眾地方同個女仔按摩，我知道係無嘢嘅，反而有男仔朋友同我講番，話覺得過咗少少火，咁我都有同佢講番。」
之後森美問Cheronna為何動搖對男友的信任，她欲言又止，但最後都沒有透露，只表示有其他事發生，然後又說：「有一排我係過份倚賴佢，同埋極不相信佢，咁佢又辛苦，我又辛苦，佢其實佢都做咗好多嘢證明畀我睇，佢係值得相信嘅人，所以問題就變咗喺我度，因為我無畀機會佢，又或者佢做咗好多嘢，我都無辦法撇除覺得佢係唔可信嘅人。」
Cheronna指，她和Dixon最終花了兩、三個月解決問題，將大家拉遠一點距離，感覺反而更加好。她表示：「首先要自己唔好將對方所有嘢都放到無限大，大到其他嘢都睇唔到，只睇到佢一個人。」
至於，為何當日會跌入這個深淵？Cheronna承認當時可能因為無事忙，得閒到覺自己無價值，「嗰時好唔穩定，郁啲就覺佢唔support我，但而家睇化咗，有啲嘢係屬於你就係你，有啲嘢要發生都控制唔到。」火火聞言即狠批她和Dixon拍拖僅兩年便發展到沒有熱情，相信很快便會分手，未料被他開口中。當時Cheronna還透露，和Dixon已發展到一星期見一次面，又指大家見少了，壓力反而比以前少。
|
鍾意就快D Share啦！
|
|
|