2019年11月10日星期日

【頭條獨家】處女個唱B2合體譚嘉荃驚感動爆喊唱唔到 __,B2,譚嘉荃,

【頭條獨家】處女個唱B2合體譚嘉荃驚感動爆喊唱唔到

譚嘉荃與拍檔郭可穎將合體在個唱中同台演出。

前二人女子組合B2成員譚嘉荃（Amy），03年於組合解散後，她繼續以獨立歌手發展。為慶祝入行20年，Amy決定今年舉行首個處女個唱「譚嘉荃《一路上有你》演唱會」。原定9月在九展開騷，後因天氣關係延期至本月22日，但Amy反而開心，因為演出場地不但改了在大3倍的旺角麥花臣場館，而且她有更多時間準備。現時每日拉筋、做瑜伽兼排舞，她希望日日操、練大氣量。而最開心是拍檔郭可穎（Sandy）會繼續撐她，她坦言二人同台怕喊到唱唔到。撰文：李佩儀攝影：李維隆

近日Amy為她的處女個唱四出宣傳，為其演唱會擔任嘉賓的漢洋和范振鋒（Ricky）日前一齊接受訪問。提到當日要將個騷押後有冇唔開心時，Amy反表示很感恩，「其實決定開呢個騷時唔算好多時間準備，記得當日錄完條片宣佈延期，我係如釋重負。」漢洋接着說：「因為佢覺得好多嘢仲未夠好。」Ricky問她覺得咩未夠好時，她稱：「歌衫、舞蹈，同埋啲歌執得未夠好，所以經過呢兩個月，Rundown有執過，有啲嘉賓係新嘅，亦有啲嘉賓嚟唔到，幸好我B2嘅拍檔Sandy（郭可穎）話會繼續撐我。」

Amy回想B2剛入行時是很渴望開演唱會的，可惜當時冇機會，她感動稱：「我同Sandy同台呢一part我會好珍惜，到時我好驚我喊到唱唔到。」由於今次在比九展Music Zone大3倍的麥花臣場館舉行，觀眾由500人增至1500人，所以Amy表示會更努力操練，她坦言：「我𠵱家唔係做瑜伽就係去拉筋，仲有排舞、練舞同行山，希望做好啲，到演唱會時氣量都會好啲。」Amy更透露因緊張致甩頭髮和失眠，為怕影響聲線和表現，現時要學習放鬆心情，希望到時一切順利！