2019年11月10日星期日

【頭條名人】再遊京阪冇艷遇王大業愛港女多過㗎妹 __,港女,

【頭條名人】再遊京阪冇艷遇王大業愛港女多過㗎妹

王大業穿浴衣行街，感覺好舒服。

「皮草太子爺」王大業（Andy）一向愛到日本東京朝聖，去得多都會悶，所以早前轉去大阪和京都旅遊，皆因京都有個限時舉行的「光之盛典」，非常有趣；在大阪又有得睇同品牌有關嘅Art Gallery，同樣吸引。其餘時間他主要去shopping，最開心買到當地新興品牌Girls Don't Cry的Tee，最難忘則是貪玩着浴衣去行街，他表示好滿意自己個日本look，連日本人見到都讚。問到艷遇，他笑言沒有，並稱香港女仔較適合他。撰文：李佩儀

Andy表示十年冇去過京阪，今次再去感覺沒有太大轉變。而他先遊京都，日頭看寺院，晚上再去下鴨神社看「光之盛典」，他笑言：「神社入面有好多發光嘅波波，好似人咁高，有時光有時暗，真係好得意！」因為限時舉行，所以太多人令他入場時要排隊近一小時，但他表示都值得。第二日他立即去Girls Don't Cry的Pop-Up Store買Tee，他坦言：「因為個designer同好多品牌、樂團同藝術家都做過crossover，所以突然爆紅，幾百蚊件Tee可以炒到幾千蚊，好在我識人可用原價買。」

鍾意着浴衣

玩咗兩日，Andy接着去大阪，他開心可以到蔦屋書店看畫展「Life with ART」，他笑言：「全部畫同品牌有關，仲有我鍾意嘅Brand，唔貴嘅，大約二、三千蚊一幅，但我冇買，因為我唔想拎。」此行最特別是他租了浴衣去行街，他坦言：「貪玩租嚟着吓，行咗半日，唔焗又舒服，我都幾滿意自己個look，日本人見到都話good！」至於艷遇呢，他笑言：「冇吖，（鍾意日本女仔嗎？）唔抗拒，不過都係香港女仔啱我多啲。」