【頭條獨家】帶病同李綺虹東京做節目 譚小環自誇出鏡為造福人群
1994年港姐冠軍譚小環跟同屆季軍李綺虹喺ViuTV節目《香港親善小姐》中重聚，距離參選25年，兩人接近「入五」，但冇乜走樣。小環還自爆：「好記得當日李綺虹笑我個頭夠大，可以戴到個冠軍后冠，結果真的一語中的。」採訪：方騫平
小環冇見綺虹20年，今次齊齊做節目猶如跟老友重逢話當年，大家開心到不得了：「大家聲線、性格都冇變，綺虹依然好率直，唯一係做咗媽咪後比以前成熟淡定咗。我哋一聚埋，好多回憶返晒嚟，仲記得當日李綺虹笑我個頭夠大啱戴個后冠，呢句多年後依然好深刻。其實當年有好多強敵，除綺虹外仲有亞軍活麗明、陳芷菁、張可頤、黃金己瑩等。」
好少理魚蛋檔
譚小環同李綺虹要為節目齊赴東京拍攝，小環形容呢個係窩心Trip，可惜啱啱趕完ViuTV處境喜劇《娛樂風雲》，連續捱咗兩晚通頂，辛苦到想死咁滯，去到東京又遇上打大風，工作時間及作息大混亂，行程又緊密，搞到感冒不適要病住開工，不過佢話非常好玩，辛苦啲都值得：「我同綺虹會素顏睡衣look出鏡，又會走訪東京介紹特式店鋪，包括有男士提供服務嘅Cafe。」忙碌過後，兩公婆飛咗去美加及日本充電20多日，問到小食店由誰管理？小環大笑說：「小食店有團隊經營嘛，𠵱家我好少理，可以退居幕後啦，哈！其實我係為觀眾眼福著想，乜你唔覺得因為有我出現，𠵱家個電視更吸睛咩？我都係造福人群咋。」
來源 source: http://hd.stheadline.com
|
鍾意就快D Share啦！
|
|
|