【頭條獨家】帶埋「小丸子」遊熱海 王友良最享受浸溫泉睇日落
「日本通」王友良（Ivan）早前偕友人到日本熱海玩了兩日，因為好近東京，不但交通方便，當地景色又靚，他最享受在後樂園酒店吃喝玩樂兼浸溫泉，他直言浸住溫泉睇日落固然係享受，翌日再到Sun Beach睇埋日出，另有一番感受。之後食埋當地最著名嘅布丁，叉電之旅圓滿結束。 撰文：李佩儀
Ivan表示今年日本的秋天嚟遲咗，天氣還暖，他想忙裏偷閒休息吓，便與友人由東京品川出發坐一小時火車到熱海玩了兩日。他表示已第5次去，但每次去都覺得好舒服，因為天朗氣清，風景特別靚。今次他主要去後樂園酒店浸溫泉，他說：「後樂園入面有休息區又有餐廳，可以同朋友傾吓偈，浸溫泉我都浸咗兩次，一次睇日落，一次睇夜景。」翌日再去Sun Beach睇日出，他坦言：「睇住太陽由水平線慢慢升起都好有感覺。」之後他還去熱海城欣賞全巿景色。
推介必食布丁
Ivan最難忘是因為工作關係帶住他至愛的櫻桃小丸子公仔到不同地方影相，不少當地人都好奇一個男人點解會帶住公仔，但Ivan好少理，只稱：「同小丸子影嘅相遲啲會po上網，好似小丸子帶大家去旅行咁，認識新嘅旅遊景點，幾有趣！」此行他還熱烈推介當地的熱海布丁，「原本喺酒店已經食咗一次，但因為太好味，於是再去本店食多次，仲食咗兩杯先夠，因為唔太甜，牛奶味夠香又滑，大家有機會去都一定要試吓。」
來源 source: http://hd.stheadline.com
|
鍾意就快D Share啦！
|
|
|
