熱爆娛樂: 【決戰區選】杜汶澤投票遇「十一哥」撐安全兼成本低過貼連儂牆 _

2019年11月24日星期日

【決戰區選】杜汶澤投票遇「十一哥」撐安全兼成本低過貼連儂牆 __,杜汶澤,連儂牆,

杜汶澤今日10點15分，與太太田蕊妮到所屬的康樂園俱樂部票站投票，阿田因為未有化妝婉拒拍照，阿澤兩公婆用了約15分鐘排隊及成功投票，身穿印上「ANTI BAD VIBES」字句黑tee的他之後停下來接受《蘋果》記者訪問：「今日投票好順利，個chop好乾，唔會有任何印，對咗number、對咗樣，一定冇錯，墨水吹到佢完全乾晒先對摺。」問到會否呼籲未投票的人出來投票，阿澤表示：「我諗我唔會，因為今日睇佢8點半前新聞已知道破咗歷屆投票紀錄，相信今日好多人會去投票。」再問到他想所選的人為社區做甚麼，他表示：「我本身對於選舉係冇期望，亦冇興趣，不過就覺得選舉投票成本低過連儂牆，香港人成日就話好多嘢做唔到，唔知做咗有咩用，乜都逐少做，能力範圍做到就做，做得就去做，其實好小事，你睇我有幾耐，快過黐一幅連儂牆，同埋又安全。」投完票後，阿田就負責揸車離開，同場還見到行政會議成員湯家驊與太太前來投票。

採訪、攝影：黃曉程

（採訪、攝影：黃曉程）	阿澤今早去投票。	 阿澤身穿「ANTI BAD VIBES」字句的黑tee，有反壞氣氛的意思。
 有街坊與阿澤傾談。	 阿澤深受街坊歡迎。	 阿田幫手揸機。
 阿田（右）因未有化妝，婉拒影相。	 行政會議成員湯家驊與太太亦有到票站投票。	 阿澤貼了一幅票站門外相，表示見不到蔣麗芸好開心。（fb截圖）
 阿澤在Facebook留言遇到十一哥，網民爭相留言。（fb截圖）	 畢明留言指阿澤輩份高，「十一哥是他的契細佬。（fb截圖）