陳山聰今日做新郎，與太太Apple在九龍一間酒店擺喜酒，山聰「兄弟」胡定欣、胡蓓蔚、謝東閔等均有到賀，剛升任做老爺的曾志偉亦有出現。而早前秘密入紙申請結婚的林峯和張馨月亦趁住這個開心日子，首次一齊公開露面。兩人手拖手表現恩愛，十足預演婚禮，林峯手指指教張馨月望鏡頭，但未有接受訪問，拍照後，林峯輕按張馨月纖腰入場。
另一對盛傳下年結婚的袁偉豪和張寶兒十足糖黐豆般現身，袁偉豪朝早有觀禮：「好感動，未roll機山聰已經飲泣。我哋成為咗跑步朋友後，成日都會傾心事，今日見佢成家立室，做個有腰骨嘅男人，都好戥佢開心。今晚活動、結婚安排都由山聰策劃，唔使太太參與。」他笑言今日「學到嘢」，至於自己何時成家立室，做另一位有腰骨男人？他說：「不嬲都有，但要攞牌，排定隊都啱，到時通知大家。」
而吳卓羲表示跟陳山聰相識超過20年，他說：「入行嗰時先識佢，仲見到佢唱嗰首歌《ABC》㖭。今日嚟恭喜佢，好耐之前佢叫留定呢個期出席婚宴，近排見山聰好多嘢都好好，真係恭喜晒。」問送甚麼禮物給兄弟？吳卓羲說：「冇乜特別喎，睇佢都係要cash多，送錢囉。希望佢再下一城攞個視帝啦，我都有睇佢劇集㗎，成績咁好都戥佢開心，而家又娶到個好老婆喇。」問吳卓羲自己又如何時，他表示：「我都有啲失落，緣份嘅嘢嚟到就有㗎啦，但暫時未識到，仲畀阿峯（林峯）爬咗我頭㖭。」他更笑言：「有嘅時候就會話畀大家聽㗎喇。」
採訪：卓寶花
|
鍾意就快D Share啦！
|
|
|
