慳妹自稱網購能手 朱晨麗台慶劇蒲頭黑臉贈慶
朱晨麗（朱朱）有份參的台慶劇《多功能老婆》將於下周一（25日）開播，一蒲頭就玩變臉變黑臉女神，仲帶埋一班姊妹黑口黑臉對住大家，究竟邊個打邊個？
朱朱在劇中飾演好鍾意扮靚的靚太，好鍾意Shopping、買衫、修甲、美容，特別鍾意敷面膜，成日都會買好多新款面膜同姊妹們分享，就算她們不喜歡都要被她迫著試用。現實中是慳妹的朱朱，在劇裏一嘗購物狂滋味，還可乘機敷面膜美容，所以拍到好開心。
講到扮靚，原來朱朱好鍾意網購，而且係格價專家，為了格價及買平嘢，幾難搵的購物網都搵到，仲自爆是網購能手。她笑着說：「上網買嘢平好多㗎，好多時拍劇未埋位冇乜嘢好做就會上網買衫，主要買定平時做訪問，出席活動，商演時穿，我唔一定要買名牌，喺網買嘅衫都好靚又平，最緊要唔使出街，拍劇太忙，根本冇時間逛街買衫。就算出街，都係極速Shopping嗰隻，我會一早搵定目標，睇準晒款式、顏色、尺碼，查定店舖位置存貨，去到店舖就會即買，好快手，試都唔使試，買完即跳上車。」
來源 source: http://hd.stheadline.com
|
鍾意就快D Share啦！
|
|
|