掃呢頁CODE去手機

2019年12月19日 星期四

【頭條獨家】買聖誕禮物冧三條「仔」 岑潔儀13萬名錶贈老公 __,岑潔儀,

闊太岑潔儀日前帶大仔Damian去將軍澳PopCorn,買聖誕禮物冧家中三條「仔」。
【頭條獨家】買聖誕禮物冧三條「仔」 岑潔儀13萬名錶贈老公闊太岑潔儀日前帶大仔Damian去將軍澳PopCorn,買聖誕禮物冧家中三條「仔」。岑潔儀( ...




買聖誕禮物冧三條「仔」 岑潔儀13萬名錶贈老公闊太岑潔儀日前帶大仔Damian去將軍澳PopCorn,買聖誕禮物冧家中三條「仔」。岑潔儀( ...




【頭條獨家】買聖誕禮物冧三條「仔」 岑潔儀13萬名錶贈老公

闊太岑潔儀日前帶大仔Damian去將軍澳PopCorn,買聖誕禮物冧家中三條「仔」。

岑潔儀(Zoey)於12年下嫁馬來西亞富商Dixon Chin,婚後疊埋心水做幸福少奶奶,得閒約朋友High-tea行名店,又間中坐吓私人飛機周圍去,生活優哉游哉。至誕下大仔Damian和細仔Donnie,Zoey就變成「全能媽咪」照顧家中三條「仔」,而Dixon都好識做,早年已送車送樓慰妻!查實Zoey都好有情趣,日前趁老公出埠公幹,便湊埋剛放學的Damian去揀聖誕禮物,其間更睇中一隻13萬元的男裝Rolex,唔使問一定係送畀老公採訪:李權威

岑潔儀將價值133,600元的男裝Rolex戴上手,估計是買給老公作聖誕禮物!
岑潔儀將價值133,600元的男裝Rolex戴上手,估計是買給老公作聖誕禮物!
未知是否花多眼亂,岑潔儀睇到𢱑晒頭!

未知是否花多眼亂,岑潔儀睇到𢱑晒頭!

自升呢兩子之母後,岑潔儀除照顧一對寶貝仔外,間中亦會做馬評、KOL賺吓私己錢,見老公Dixon工作辛苦,又經常買嘢○氹自己,聖誕將至,當然也要為對方準備一份「重手」禮物日前傍晚5點半,手挽粉紅色Chanel Tote Bag的Zoey,拖住大仔Damian到將軍澳PopCorn買禮物,頭戴畫家帽的她穿上黑色短褲襯長Boot,露出一雙纖幼大髀,性感得來又青春,十足未生過一樣!未知是否打算給老公驚喜呢?當日,兩母子先到Rolex專門店睇腕錶,甫坐定定,男店員即拎出一本Catalogue向她介紹今季錶款,未幾,Zoey便睇中於櫥窗展示緊的新款男裝錶,價值港幣133,600大元!

離開腕錶專門店後,岑潔儀在商場聖誕裝置前為大仔Damian拍照。

離開腕錶專門店後,岑潔儀在商場聖誕裝置前為大仔Damian拍照。
Damian拎起盒Marvel玩具Show畀媽咪睇,惟少女心爆發的岑潔儀顧住睇另一盒公仔。

Damian拎起盒Marvel玩具Show畀媽咪睇,惟少女心爆發的岑潔儀顧住睇另一盒公仔。

陪囝囝揀禮物放電

Zoey將6位數的名錶戴上手,左睇睇右試試,又叫埋囝囝幫吓眼,不過唔知係咪悶親Damian,冇耐已經開始坐唔定,家下乜都「阿仔大晒」的Zoey見狀,即放低手錶留待下次研究,並帶囝囝到附近Logon揀玩具,沿途經過商場的聖誕裝置,Damian仲開心到飛埋去叫媽咪揸機影相。

一入到精品店,童心未泯的Zoey一見到女仔嘢即指住叫囝囝睇,Damian梗係冇興趣,扯住媽咪去睇車車同超級英雄嘢啦,見到個型仔Marvel玩具,他即刻Show畀媽咪睇,殊不知Zoey掛住研究手上的Toy Story公仔!好在Zoey都察覺到囝囝扁扁嘴,最終買了一件Star War玩具給對方,見她畀錢時又揀多件大大份的禮物,估計也是送給細仔作聖誕禮物!臨返屋企前,這位「廿四孝媽咪」又帶Damian去遊戲中心放電,其間,兩母子玩氣墊球玩到勁High,囝囝仲緊張到爬上張枱,雙腳吊吊揈,超搞笑!

最後Damian都買到心愛的玩具,岑潔儀亦手捧另一盒禮物,未知是否送給細仔呢?

最後Damian都買到心愛的玩具,岑潔儀亦手捧另一盒禮物,未知是否送給細仔呢?
兩母子又一齊玩氣墊球,細細粒的Damian仲爬埋上張枱,勁得意!

兩母子又一齊玩氣墊球,細細粒的Damian仲爬埋上張枱,勁得意!
岑潔儀與老公Dixon Chin育有兩子,分別是4歲大仔Damian和1歲細仔Donnie。

岑潔儀與老公Dixon Chin育有兩子,分別是4歲大仔Damian和1歲細仔Donnie。

鍾意就快D Share啦!