掃呢頁CODE去手機

2019年12月19日 星期四

【知錯能改】梁芷珊遺憾傷害同路人感情 公開道歉:對不起 __,梁芷珊,

互聯網截圖
對於訪問「何已完」被狂插,一直撐黃絲的梁芷珊接受《蘋果》電話訪問,誠懇地向同路人道歉:「做任何事,無論乜原意都好,得到大部份咁反應,話畀你聽一個字,就 ...






對於訪問「何已完」被狂插,一直撐黃絲的梁芷珊接受《蘋果》電話訪問,誠懇地向同路人道歉:「做任何事,無論乜原意都好,得到大部份咁反應,話畀你聽一個字,就係錯,我原意想話畀大家知我唔怕藍絲,但達唔到目的,傷害同路人感情,我道歉!」



至於被阿澤割席,梁芷珊坦言昨晚深夜收到阿澤私訊:「佢tag咗我,正面鬧我,佢好嬲,打英文,佢只有好嬲嘅時候先會打英文,阿澤話我做咗件非常之錯嘅事情,救唔番!我有答佢,最後佢同我講goodnite,我諗係咪等於第二啲嘢?而家知道佢話unfriend,好可惜!」



梁芷珊坦言亦有收到其他好朋友勸戒:「當我諗住做一樣嘢面對藍絲,但大家唔想我咁做,幫唔到件事,我接受,因為我哋係隊友,以後唔做,所以我一個留言都冇刪除,同路人講嘢我唔會刪,呢件事學識咗,做任何嘢無論幫唔幫到件事,如果傷害同路人,就唔可以做。」



此外,芷珊還在社交網撰文認錯:「今朝好早起身,睇晒每一個留言。我有啲好好嘅朋友,用好認真同嚴肅嘅語氣,好直接咁同我講一個重要訊息:錯。一個錯字,包含好多角度。網友們講咗好多唔同角度畀我知道點解唔得,點解有問題。」



芷珊深切反省:「最後,我領略到嘅係,最壞嘅情況,係令同路人有『感情被傷害』的感覺。同路人,我們要做的是互相支援,一起走這條不知道還有幾長的路。走到這裏,我們受的傷害已經太多。此時此刻,一個畫面,一句語氣,一個笑容,若能形成傷害,那就是傷害。」



最後,她作出公開道歉:「所以我不辯解,簡單兩句:非常抱歉,對不起各位。我若不公開說這句話,我覺得我今天很難如常運作,包括我的心情、信念。我在上一個post講了做這個對談的原意:我一向嘅態度,我唔會怕同藍絲講嘢。當佢喺我面前講佢講嘅道理,好,畀你講。但聽完我唔同意嘅,我講返我自己睇法,並唔係為想說服對方,我係鞏固緊我自己。而大家的反應告訴了我,我以後應該點做,邊啲唔好做,或者唔使我做,我會檢討,多謝大家。」



互聯網截圖 梁芷珊被阿澤割席(互聯網截圖) 梁芷珊被阿澤割席(互聯網截圖)
訪問何君堯被批評,梁芷珊向大家道歉。(互聯網截圖)

訪問何君堯被批評,梁芷珊向大家道歉。(互聯網截圖)

鍾意就快D Share啦!