回憶返晒嚟！
《倚天屠龍記》翻拍過好多次，喺電影版中要數經典，都要算喺1993年版嘅《倚天屠龍記之魔教教主》，張無忌由李連杰飾演，張敏一人分飾兩角「殷素素」同「趙敏」，仲有「張翠山」吳鎮宇、「小昭」邱淑貞、「張三豐」洪金寶等，可謂粒粒巨星，套戲完場前張敏對李連杰話：「想救六大派，就嚟大都搵我啦。」正當大家以為會有續集時，點知等咗廿年都冇聲氣，令唔少網民大嘆可惜。
相隔26年終於有好消息，導演王晶喺微博宣布：「我要拍新的倚天屠龍記電影了。張無忌終於去大都找趙敏了。」雖然得兩句係咁多，就連演員名字一個都冇公布，但係已經引起一陣哄動，唔少網民都話有生之年終於等到佢哋仲討論劇情發展同埋由乜嘢演員擔綱，有人提議不如就用今年年中先至播完電視劇《倚天屠龍記》嘅演員做，曾舜晞、陳鈺琪、祝緒丹呢三位做主角，亦有網民提意編劇可以搵上一集嘅演員客串吓，等大家可以搵番童年回憶。
來源 source: http://hk.on.cc
|
鍾意就快D Share啦！
|
|
|