廣告人的陳小姐（化名），今年8月北上過關時的經歷，令人感到白色恐怖籠罩，她說：「入境時被叫入房扣查，房內見到好多後生嘅香港人等候，然後一個個被帶入房，到我入房時就先查我手機，要我刪除遊行照片同VPN App，之後個官員就問我識唔識某一位政治人物，我就答『識但唔係好熟』，之後佢望住電腦好冷靜講，『某年某月某日有個聚會，有幾個人，你都有出席，你哋應該係好朋友！』」
由於工作需要，陳小姐仍不時要北上工作，過關時間中都會被關員抽查，要確認她有簽過悔過書後才放行，為此她表示非常無奈，惟求助無門。
另一同樣從事廣告業的讀者黃先生（化名），自言做的並非甚麼敏感行業，但最近他跟同事因工作需要到上海、深圳工作，也遇到當局無理對待。今年8月時他曾到上海，當時入境尚算順利，「當時成功過關，純粹問過我點解咁耐無返大陸，依家又返嚟，其實我都係幾年無返啫。」
直至近期，黃先生要再到深圳工作，但回鄉卡已過期，於是申請快證續期，「畀咗600幾蚊整，攞證當日自助機出唔到張卡，要去櫃台問，最後話原來唔批張證，退返錢畀我，但要收我150蚊手續費。」
黃先生說：「我問職員拒絕原因，佢就答我話『我都唔知，係當局唔批畀你，如果你要問，可以寫張聲明書，不過答唔答係佢嘅自由。』」黃先生只能無奈離開。
自今年6月香港發生反送中運動，內地開始封殺香港消息，早前各個關口都嚴查港人手機，要刪除相關照片及影片才放行。黃先生雖然有參加大型示威遊行，後期亦有幫忙支援抗爭，例如派文宣、做哨兵等，但由始至終他沒有被捕，亦未曾被警截查抄身份證。
「我唔算好前線，就算做哨兵都係中間或後面做Backup，企係側邊街坊咁，好多時連Gear都無。」以他所知，自己亦無被藍絲影相放上網起底，所以至今他都不信內地當局掌握他抗爭的證據。
「我相信唔係有我資料而唔批，我諗會唔會係呢個敏感期，某一個年齡層嘅人全部都篩選唔批呢？」黃先生30歲左右，既不是現屆大學生，又不是從事敏感行業，被內地拒絕於門外，令人摸不着頭腦。
廣告業界及很多況人不時要北上工作，過關被扣留、查手機，時有聽聞，黃先生指行家都會先刪除示威相關照片和影片，甚至索性帶另一部手機過關。立法會議員楊岳橋對上述兩個個案感到十分震驚，尤其國安似乎已跨境在香港執法，竟對泛民政治人物，以及其身邊朋友偷聽甚至追蹤，這是完全超越法規的行為，「如果一個身家清白嘅人，尤其係和理非你都要斷然拒絕，其實你係拒絕緊200萬港人，甚至更多。中共一方面宣傳大灣區有好多機遇，另一方面又打壓香港人北上自由，係散播緊白色恐怖，令經常來往中港兩地嘅人擔驚受怕，同埋比緊壓力啲僱主。」
本報記者
-----------------------
屬於香港人的移民攻略
立即登入【全球樓行】
Dream House零距離
|
鍾意就快D Share啦！
|
|
|