最近唔少人都有追睇《森美旅行團3》，當中夾雜咗唔少森美同丁子朗騷肌鏡頭，兩位操得好fit嘅身材，又真係幾吸睛嘅！唔係講笑，46歲嘅森美企喺22歲嘅丁子朗旁邊，body上面真係冇輸蝕，再睇真啲，應該係森美操得勁過丁子朗添！
遊船河唔預森美
人人都鍾意睇森美騷肌，偏偏森美個前世情人就好憎佢除衫，森美話：「女仔一去到青春期就唔鍾意嗲哋，呢個係天性，覺得嗲哋老土。好似前排我好大隻嘅時候，喺屋企有時除咗件衫，佢會話『你唔好成日除衫啦，著番件衫』直頭佢有啲學校運動遊船河佢叫媽咪去，我問佢點解唔叫我去遊船河，佢會話『費事你一陣又除衫呀！』唔畀我去，我除衫好好，我咁fit！佢話『我就係唔鍾意你除衫呀！』」森美操得咁fit，個女唔鍾意佢除衫唔緊要，老婆鍾意就得講起佢老婆Veronica，不得不讚佢keep得超好，企喺個女旁邊，一啲都唔輸蝕，仲好少女添！
老婆打扮勁少女
睇吓呢日森美同老婆Veronica、阿女行街shopping，Veronica一身打扮係唔係好得先？唔講真係唔會估到佢生咗一仔一女喇！兩公婆先陪個女揀鞋，13歲嘅Charisse好有主見，入到店內睇中一對即試，試上腳啱size就決定買，完全冇三心兩意。相反，睇吓森美同老婆shopping，Veronica好專注咁試衫，森美自己喺度揀衫，個女就玩住電話等佢哋。呢對吊住黃色毛毛嘅耳環，加埋件牛仔褸，綠色長裙，齋睇顏色已經夠晒sharp夠青春咁又係，老公keep得咁好，點會冇女埋身吖！Veronica梗係要keep好啲先得啦，你睇，行行吓佢只係用手拍一拍老公，森美已經咁開心，結婚19年仲可以咁sweet，係用心經營出嚟嘅！
攝錄：陳亦龍
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
