陳小春台北演唱會，四種價位嘅飛，其中兩種已經賣晒！係賣晒呀！估唔到台灣咁多人撐佢，真係O嘴。
是咁的，陳小春首次到台北開演唱會，本以為佢頂住撐警護旗手政協「光環」，應該會被台灣人抵制杯葛，話晒網絡上的確有唔少台灣網民報以噓聲。點知，有人發現陳小春嘅飛其實幾賣得，四種票價中嘅兩款好早已經賣晒，認真大鑊！
不過，好快有熟悉台灣演唱會賣飛生態嘅網民解釋，賣晒好大機會係假象：一係黃牛黨大手入貨等中伏；一係根本賣唔出，於是被有關係嘅機構或人士留起準備免費送出。
原來，「免費送飛」真有其事！台灣知名娛樂新聞節目《娛樂百分百》，就有出post搞送飛活動。有得免費睇騷梗係反應熱烈啦，單係facebook post就有近三千留言，逾九千個點擊「讚好」呀！之但係，嗰九千個「讚好」入面其實八成以上都係「嬲嬲」嚟嘅，呢鑊真係學曾俊華話齋：「嬲嬲上到個鼻。」
至於留言內容，幾乎一面倒聲討，唔單只質疑「陳小春在香港犯法不自首反而來台灣開唱是否想潛逃」，更明言「不可以讓犯人入境台灣」，就算能入境都「寧要陳同佳，不要陳小春」咁話。
為咗幫陳小春送飛，《娛樂百分百》呢次都隨時惹禍上身，事關唔少擁躉都對節目單位表示失望，質問點解要幫中共藝人宣傳。其實無乜點解嘅，節目主持人、台灣土生土長嘅羅志祥都講得出「不用分那麼細，我們都是中國人」啦，同陳小春可謂同氣連枝、同聲同氣！
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
