將於本月8日便33歲生日的BabyJohn（蔡瀚億），今年5月他膽粗粗自組公司名為「小紙製作有限公司」，隨即接拍新戲《殘影空間》。而他早前亦有新嘗試，頂替放大假的余迪偉，首次到商台擔任主持人，與DoDo姐（鄭裕玲）一齊主持《口水多過浪花》。
早前《蘋果》於下午4時左右，在荔枝角遇到他，見他同太太Donut戴住口罩，行到附近一間商場內的市集閒逛。見他們對自家設計的東西特別感興趣，他的老婆亦看得十分雀躍，不時左挑右揀，袋子又揹上身來試。
他們對一些手工藝及DIY的手作品更感興趣，特別望多兩眼，最後她選了些公仔、貼紙和襟章。難得的是老婆去揀東西，老公負責給她意見，而且是老公負責付款，做老婆的當然開心不過二人大約行了半小時左右便離開，現場所見雖然BabyJohn戴住口罩，仍被途人發現，更邀他影合照。
其實BabyJohn和太太Donut結婚已六年多，一直膝下無兒，但久不久又傳出他的老婆懷孕。原來他和太太一直有共識，亦想生小朋友，但多年來努力造人，至今仍未有好消息。
採訪、攝影︰梁繼光
|
鍾意就快D Share啦！
|
|
|