琦琦再強調阿女任晴佳唔會入行，鍾意讀書！
名模琦琦專程到場支持楊如庭代理的尚鮑中環店舖開幕活動，談到本月尾是女兒任晴佳的生日，問到會否搞派對？她說：「佢依家都會同啲同學仔慶祝，之後我哋會去滑雪，到時整個冰蛋糕畀佢。（老公任達華都會去？）去，但佢唔會滑雪，佢負責影相，佢唔係好鍾意滑雪，同埋要拍戲驚整親。」
琦琦又謂老公每年都會攞定假與一家人慶祝聖誕及倒數，為女兒慶生。講到老公為阿女生日攞假，但她生日卻沒有，琦琦笑言：「我喺屋企最冇地位，其實講笑，我哋係大人，大家盡在不言中。」問到知不知女兒的生日願望？她說：「佢每年都會將利是錢捐畀慈善機構，好乖。」至於女兒不時幫雜誌影相，問到是否有意入行，琦琦再強調說：「佢鍾意讀書，以前佢都唔鍾意影相，我同佢講影相係留低美好嘅回憶，唔係每個人都有呢個機會，佢依家都會好配合，已經好大進步。」
來源 source: http://hk.on.cc
|
鍾意就快D Share啦！
|
|
|