網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年12月9日 星期一

睇人生變幻莫測 社會變成咁唔會知秋生東京叫日人勿來港「啲警察黐咗線」 __,黃秋生,

黃秋生早前接受《蘋果》訪問大談人生,他自嘲以前衰衰格格,經過早年沉澱後才重新審視自己。
黃秋生早前接受《蘋果》訪問大談人生,他自嘲以前衰衰格格,經過早年沉澱後才重新審視自己。黃秋生今年4月憑電影《淪落人》獲封金像影帝,該片將於明年2月在日 ...






黃秋生今年4月憑電影《淪落人》獲封金像影帝,該片將於明年2月在日本上映,日前秋生到東京為該片宣傳,並到戲院與優先場的影迷見面,現場主持問起香港的最新情況,向來勇於發聲的秋生向日迷發出「個人旅遊警示」:「你哋暫時唔好去香港住喇,因為啲警察黐咗線。我諗香港人嘅將來,係需要香港人自己去爭取嘅。」秋生更表示為香港人感到驕傲:「我非常敬佩香港年輕人嘅勇氣同埋佢哋嘅膽識。唔只年輕人,仲有好多香港嘅中年人、好多唔同界別嘅人都出嚟爭取,我從來都未試過為自己係一個香港人而驕傲!亦要多謝日本朋友將我哋首《願榮光歸香港》譯咗做日文,好好聽。一路以嚟,香港同日本喺文化等各方面,大家都係互相喜愛,所以希望喺將來大家都會為自己地方嘅美麗繼續努力。」



秋生日前在東京出席活動時,感謝有人將抗爭歌《願榮光歸香港》繙譯成日文版,更大讚好聽。互聯網圖片 秋生日前在東京出席活動時,感謝有人將抗爭歌《願榮光歸香港》繙譯成日文版,更大讚好聽。互聯網圖片
港警連月來的濫暴行為,成為國際關注的焦點。資料圖片

港警連月來的濫暴行為,成為國際關注的焦點。資料圖片
受訪當日,秋生到課室探師弟師妹,還跟師弟切磋演技。

受訪當日,秋生到課室探師弟師妹,還跟師弟切磋演技。

審視自己性格差

五年沉澱,秋生重新審視自己,他說:「我一直以嚟都衰衰格格,冇禮貌、冇修養、牙擦、驕傲、自大,傲慢上身,我係中式版『西哈諾』。但嗰段日子,我沉澱咗雜質,提升自己人生。」面對事業低潮,工作量減連收入都少了,但秋生還是不愁生活,「唔好話我爛船三斤釘,我唔係爛船,我係遊艇嚟,我都做咗咁多年嘢。如果大家覺得我慘,咁等啲心理變態五毛開心啲,當咗我係散工、泥工,以為冇工開冇飯食。」看透世事的秋生體會到人生變幻莫測,「人生多變化,好變唔好,唔好又變好,尤其香港變成咁,係唔會知。回歸後,你睇到,今日高官,聽日階下囚,今日風光,聽日打靶。我經常同呢行晚輩講,今日威唔好牙擦,你聽日冧番落嚟,𠵱家啲人唔見得想人哋好,心理變態,好想人哋衰,一見你跌落嚟,踩到你想返出嚟都唔得。」



秋生1998年拍電影《風雲:雄霸天下》時患甲狀腺疾病致面腫,有指王晶當年叫劉偉強棄用秋生。劇照

秋生1998年拍電影《風雲:雄霸天下》時患甲狀腺疾病致面腫,有指王晶當年叫劉偉強棄用秋生。劇照
秋生與王晶(左)當年合作無間,最終卻決裂收場。資料圖片

秋生與王晶(左)當年合作無間,最終卻決裂收場。資料圖片

白色恐怖如麻瘋

秋生坦言想多拍戲都未必有機會:「啲人猛話你被封殺,唔用得你,係咩?有冇文件,聽聞囉,白色恐怖就係冇人話畀你聽發生乜嘢事,但你側邊嘅人會造成一種恐懼,你行出街冇人會同你講嘢,個個覺你有麻瘋,咁跟住你開始發覺,我係咪有麻瘋呢?我覺自己行為,係咪有啲嘢我應該講,有啲嘢唔應該講,係咪我應該乜都唔講呢,我就開始困住自己,咁就開始癲囉,進入恐懼狀態咪開始癲囉,但你搵唔到源頭。」秋生自嘲變成「佛地魔」:「個名唔提得㗎,你試吓喺內地提『黃秋生』,拉你呀,同埋打入去search『黃秋生』,彈禁止,成件事你問我,咪荒謬荒誕。」

場地提供:演藝學院




鍾意就快D Share啦!