掃呢頁CODE去手機

2019年12月24日 星期二

【數臭惡行】蔡康年做司儀恰後輩 邱芷微嬲到爆喊鬧無品 __,邱美薇,邱芷微,

互聯網圖片
邱芷微日前在社交狂數蔡康年惡行。(網上截圖)在大台劇《愛·回家之開心速遞》扮演「賈名媛」的邱芷微,日前與蔡康年為某活動擔任司儀時,被蔡康年搶對白兼搶咪 ...




邱芷微日前在社交狂數蔡康年惡行。(網上截圖) 邱芷微日前在社交狂數蔡康年惡行。(網上截圖)

在大台劇《愛·回家之開心速遞》扮演「賈名媛」的邱芷微,日前與蔡康年為某活動擔任司儀時,被蔡康年搶對白兼搶咪合唱,更兩度被鬧唔配合,邱芷微嬲到即場爆喊,事後在社交網踢爆對方惡行。



多年前蔡康年擔任DJ時,曾涉嫌虐打當時女友施念慈,兩人分手收場,蔡康年形象跌落谷底,現又捲入蝦人風波。邱芷微寫道:「真係怪唔知得啲人叫我事前小心啲呢個無品嘅人!你想我睇你『表演』其實大可以叫我唔使上台吖,仲乜要同我夾稿呢?完全自己個人主義,無視拍檔,自己響台上周圍走,一係就落台掛住同啲人飲酒吹水R撈溝啲秘書,咁其實分工來仲乜,仲叫我『你做好本份!大會畀嘅稿千祈唔好信。』我現在終於明白!落到台仲要兩度話我唔配合而鬧我。」



邱芷微狂數蔡康年惡行:「我唱歌,仲要特登響台下開咪同我『合唱』大聲啲!你又唔響其他表演嘉賓唱緊歌嘅時候插把嘴唱?到底係唔敢啊定係好好蝦呀我?你其實係咪驚有人搶你司儀job?見老闆就擦鞋。」



對於被蔡康年蝦爆,邱芷微在社交網沒公開名字,今日傳媒聯絡邱芷微求證,她承認對方是蔡康年:「其實我原本都係抱着今次有機會跟前輩學習而開心,今次嘅經驗令我有另一番體驗,因為未試過,所以都要多謝對方的『在職培訓』方式,始終佢係前輩,佢有佢嘅方法去分享及教導經驗畀後輩,而我始終在司儀方面都比較新,因此好多嘢都需要向前輩虛心學習,佢搞氣氛的確好好的。」



問到會否不想再跟蔡康年合作?她表示:「始終世界係圓嘅,就好似今次合作,都係由大會安排,所以有冇機會再合作都唔係我個人選擇。咁當然如果有機會再合作,我都希望對方覺得我會有進步,新人必經階段都係離唔開俾人話吓玩吓嘅,當然對方有乜嘢心態就唔知啦,但係最重要都係做好自己本份。」




鍾意就快D Share啦!