掃呢頁CODE去手機

2019年12月17日 星期二

森美:氹掂前世情人!森美再入廚房一鑊熟冧全家 __,森美,

森美好日唔入廚房,一入就冧掂全家!藝人森美向來識飲識食,早前仲喺節目《森美旅行團》,大方分享日本美食,堪稱美食達人!但原來對食咁有研究嘅佢,平時甚少下 ...




森美好日唔入廚房,一入就冧掂全家!


藝人森美向來識飲識食,早前仲喺節目《森美旅行團》,大方分享日本美食,堪稱美食達人!但原來對食咁有研究嘅佢,平時甚少下廚,但自從佢上次激罕入廚房炒飯冧掂「前世情人」阿女,就開啟咗佢嘅「廚神之路」!


佢尋晚再次露兩手,炮製番茄麻辣鍋,獲得家人一致好評。佢喺社交網大晒製成品,並留言:「從來話唔煮嘢食嘅我,上次因為阿女要食就即刻破戒入廚房煮。可能上次大成功,今次老婆同對仔女都話要食!一於照辦煮碗,見廚房有乜就煮乜,好彩有個番茄湯,全部野(嘢)放哂(晒)落去就已經令到呢個冬日暖笠笠,再落埋朋友送我嘅麻辣醬,熱辣辣,仲唔冧倒哂(晒)佢哋!」睇嚟佢可以向「美」男廚房進發喎!

來源 source: http://hk.on.cc
鍾意就快D Share啦!