嫌兄弟冇提早報喜 錢家樂寸：懶把閉咁，叫陳大春
錢家樂、黃智雯、楊詩敏（蝦頭）及胡渭康，前晚為無線節目《娛樂大家》進行錄影，提到舞台劇《今晚打老虎》下月公演，家樂與智雯透露已開始排練約一個禮拜，劇中仲有不少前輩級座陣，包括羅冠蘭、袁富華及蝦頭等，自己為晚輩要虛心學習。問到排練時可否爆肚？家樂笑道：「少少監制潘嘉德搵得我都唔想我一字一句照稿讀。」智雯則滿有信心表示接得住對方的爆肚，她笑說：「平時我好似好鈍咁，但我上台會上身㗎！」
家樂又大爆羅冠蘭對他有意見，他笑謂：「羅冠蘭唔鍾意我爆肚㗎！但都要接受我，因為之前合作過，知我管唔到。佢已經剔晒，寫晒我嘅爆位，叫我唔好再加，以免演出時佢接唔到。」此外，對於陳小春於台北個唱宣布太太應采兒懷孕3個月，家樂說：「打咗畀佢我都係透過記者話我知！依家懶把閉咁，人不如其名，應該叫『陳大春』。」
另菊梓橋（Hana）與吳若希（Jinny）的不和傳聞再次炒熱，對於Hana於社交網撰文自稱是簡單的人，Jinny認為沒有特別，又承認跟對方欠缺默契，她說：「合作我喜歡大家有來有往，佢唔係我類型，佢喺鏡頭前好柔弱。」
來源 source: http://hd.stheadline.com
|
鍾意就快D Share啦！
|
|
|