李卓人畀人鬧完，仲呆一呆唔知發生咩事。(陳宛彤攝)
呢段期間唔少政治人物鍾意走去海外唱衰香港，被視為出賣港人利益，損人不利己。到底呢啲行徑有幾唔得民心？睇吓工黨前立法會議員、支聯會新任主席李卓人就知喇。
《香港人權與民主法案》喺上月底獲美國總統特朗普簽署而正式生效，生效前李卓人曾經去過美國見美國國務卿蓬佩奧及美國眾議院議長佩洛西，而上星期又帶隊走去澳洲，推動澳洲版本嘅法案，真係對唱衰香港不遺餘力。
今日(10日)李卓人就趁國際人權日去到港鐵灣仔站外搞街站，為內地人士收集聖誕卡去送暖，點知馬路邊有位過馬路嘅女士睇唔過眼，過緊馬路都要擰轉頭鬧李卓人「賣國」、「漢奸」，在場有人以「收皮」回敬，至於李卓人好似呆一呆唔知畀人鬧，回過神先話多謝對方，希望人哋等到佢做完訪問先嗌喎，算唔算跌落地執番拃沙呢？
來源 source: http://hk.on.cc
|
鍾意就快D Share啦！
|
|
|