現年32歲的港姐陳庭欣（Toby）入行九年，近年獲大台力捧做「進擊第三者」，在劇集《多功能老婆》全裸露股邊挑釁大婆千嬅，角色搶鏡，近年又常做大騷司儀，在無綫發展不俗。自Toby去年情傾身家過億彩豐行老闆楊振源（Benny），破天荒「放閃」，多次公開晒愛，又不時陪伴男友巡視業務。
強調本土
自反送中運動爆發以來，網民發起「反紅媒」行動，其中無綫因被指新聞偏頗被嘲是「CCTVB」，網民更揚言抵制無綫所有廣告客戶，又在商戶fb洗版，要求他們終止與無綫的廣告合約，不少商戶為免得罪消費者，紛紛與無綫「割席」。
Toby男友Benny旗下的護膚品公司彩豐行，昨日在fb貼文，聲言不再於TVB落廣告：「於去年與TVB簽定了廣告合約，因此我們必須履行合約至2019年12月31日。合約完結後，彩豐行於2020年將會選擇其他平台作宣傳渠道。希望各位可以體諒及理解，多謝各位一直對彩豐行的支持。」更hashtag「香港品牌」、「香港製造」等字眼。
無懼清算
彩豐行貼文後即獲網民like爆，認為「真心服務香港既企業唔落廣告都有人幫襯」又有網民指：「TVB本身都夠哂霉，𠵱家連師奶牌子都唔落廣告。」但同時擔心Toby會被無綫清算，步鄭敬基等後塵不獲續約。
問到Toby可知男友的彩豐行明年不再跟無綫合作，她昨日回覆傳媒時說：「今朝睇facebook時睇到，我又冇諗會有乜特別影響噃。」提到網民擔心Toby也受影響？Toby說：「應該唔會啦，公司本身有好多不同類型嘅廣告客戶，我相信唔同客戶都會因應自己內部市場推廣策略，而調整落廣告嘅時段同渠道。所以我冇擔心呀。」其實Toby去年已透露雖然男友未求婚，但二人已有結婚共識，日前受訪更指將於三年內結婚，兩人又不時互相出席對方的家庭聚會，早已融入家中。
採訪︰陳杰
|
鍾意就快D Share啦！
|
|
|