舉家出遠門都係一個大挑戰。
藝人黎諾懿與太太李潔瑩及囝囝「小春雞」藉聖誕假期到泰國7日遊，黎諾懿笑言今次是非一般旅行，十分難忘，他說：「首先去之前我同太太已經有啲病，阿仔就去到水土不服，好多行程都要改，好彩我同太太好快好番，但阿仔就全程又疴又嘔，有次仲試過喺酒店張床跳兩跳，之後就嘔到成張床，要即刻搵人清潔，去到尾聲，太太又食物中毒。」
雖然今次行程各人都帶病在身，玩得未能盡興，但黎諾懿覺得泰國是一個好地方，說：「泰國好適合小朋友玩，好多遊樂場，我哋去玩角色扮演，阿仔扮消防員、醫生，好得意，原本仲會去大型水上樂園，但因為阿仔又屙又嘔取消冇去到。（全程係咪食得好清淡？）阿仔就係，但泰國啲嘢食都比較重口味，有時我夜晚會去熱食市場買嘢返嚟酒店食，唔知喺咪有啲唔係咁衞生，所以老婆食物中毒。」
來源 source: http://hk.on.cc
|
鍾意就快D Share啦！
|
|
|
